ఎన్టీఆర్ బయో పిక్ మొదలయినప్పటి నుంచి ఆ సినిమా లో చంద్ర బాబు వెన్ను పోటు ను ఎలా చూపించబోతున్నారని చాలా మంది ఆసక్తి గా మాట్లాడుకున్నారు. అయితే అయితే ఇప్పుడు స్వయంగా ఆ సినిమా కోసం చంద్ర బాబు సలహాలు తీసుకుంటున్నారంటే అర్ధం చేసుకోవచ్చు ఆ సినిమా లో వెన్నుపోటు సీను ఎలా ఉండబోతుందని..!
తాజాగా క్రిష్, బాలకృష్ణని వెంటేసుకుని ఏపీ ముఖ్యమంత్రి, టీడీపీ అధినేత చంద్రబాబుతో భేటీ అయ్యారు. అన్నట్టు, ఈ భేటీలో 'చంద్రబాబు' పాత్రధారి రానా కూడా పాల్గొన్నాడండోయ్. వెన్నుపోటు ఎపిసోడ్ని చంద్రబాబుకి అనుకూలంగా మలచడమంటే చిన్న విషయంకాదు. ఐదారు వెర్షన్లను క్రిష్ సిద్ధం చేసుకుని మరీ, చంద్రబాబు దగ్గరకు వెళ్ళారట. వాటిని పూర్తిగా పరిశీలించిన చంద్రబాబు, ఓ వెర్షన్కి ఆమోదం తెలపడంతోపాటు, కొన్ని 'సవరణల్ని' కూడా సూచించినట్లు తెలుస్తోంది.
ఆ సవరణల మేరకు 'వెన్నుపోటు' వెర్షన్కి తుదిమెరుగులు దిద్దడంలో క్రిష్ బిజీగా వున్నట్లు సమాచారం. ఆ మెరుగులు, సవరణలు పూర్తయ్యాక ఇంకోసారి ఆ వెర్షన్, చంద్రబాబు వద్దకు వెళ్ళనుంది. ఇదిలా వుంటే, ఎన్టీఆర్ బయోపిక్లో అసలు 'వెన్నుపోటు' ఎపిసోడ్ వుండకపోవచ్చంటూ మరో వాదన విన్పిస్తోంది. ఆ వెన్నుపోటు ఎపిసోడ్ లేకపోతే బయోపిక్కి అర్థంలేదన్న అభిప్రాయాలు సర్వత్రా వ్యక్తమవుతున్న వేళ.. దానికోసం, హీరో బాలకృష్ణ పడ్తున్న పాట్లు అన్నీ ఇన్నీ కావు.బాలయ్య ఆలోచనలకు తగ్గట్టుగా చంద్రబాబు సూచనల మేరకు 'వెన్నుపోటు' ఎపిసోడ్ని డిజైన్ చేయడమంటే క్రిష్కి అది కత్తి మీద సామే మరి.!