తెలుగు బుల్లితెరపై వస్తున్న జబర్ధస్త్ కామెడీ షోతో పాపులారిటీ తెచ్చుుకున్న కమెడియన్ షకలక శంకర్. బుల్లితెరపైనే కాకుండా వెండితెరపై కూడా కమెడియన్ గా తన సత్తా చాటుతున్న సమయంలో ‘శంభోశంకర్’ సినిమాతో హీరోగా మారారు. ఈ సినిమా ప్రమోషన్స్ లో శ్రీకాకుళం టు హైదరాబాద్ తన సినీ జర్నీ గురించి ఎన్నో ఆసక్తికర సంగతుల్ని రివీల్ చేశాడు. తాను హీరో అవుతానంటే ఇండస్ట్రీ పెద్దలు ఎలా అవహేళన చేశారో చెప్పుకొచ్చాడు. త్రివిక్రమ్ - దిల్ రాజు - అల్లు శిరీష్ లాంటి ప్రముఖులపై సెటైర్లు వేయడంతో అందరూ షాక్ తిన్నారు...కానీ అది తన ప్రమోషన్ లో భాగమే అని..కావాలని చేసిన కామెంట్స్ కాదని తర్వాత సర్ధిచెప్పుకున్నాడు.
సునీల్ - సప్తగిరి తరహాలో కామెడీ హీరో అవుతాడనుకుంటే - నేరుగా షూట్ ఎట్ సైట్ హీరోలా కనిపించి షాకిచ్చాడు. ఆ షాక్ నుంచి తేరుకునే లోగానే మరోసారి పెద్ద షాకిచ్చేందుకు రెడీ అయ్యాడు. షకలక శంకర్ నటించిన రెండో సినిమా `కేడి నం.1` ప్రమోషనల్ ఈవెంట్ ఫిలింఛాంబర్ లో జరిగింది. ఛాంబర్ పరిసరాల్లో శంకర్ పోస్టర్లు - కటౌట్లు చూసినవాళ్లంతా ముక్కుమీద వేలు వేసుకున్నారు. బాలీవుడ్,హాలీవుడ్ స్టైల్లో హీరో గన్స్ పట్టుకొని బనియన్ పై వీరోచితంగా నడుచుకుంటూ వస్తున్నట్లు లుక్ ఉండటంతో వామ్మో శంకరా నీ బిల్డప్ ఏందయ్యా అంటూ పరేషాన్ అయ్యారు.
మరోవైపు ఈ పోస్టర్లో ఫోజు చూశాక శంకర్ లోని గట్స్ ని మెచ్చుకోని వారుండరు. అమాయకత్వమో.. సూటిగా ఉండే తత్వమో కానీ.. తిట్టాల్సిన వాళ్లను తిట్టేశాడు. ఏకాల్సిన వాళ్లను ఏకేశాడు. తుపాకి, ఉరిమి, పులి’ వంటి సినిమాలను తెలుగు ప్రేక్షకులకు అందించిన డి. గిరీష్‌బాబు నిర్మిస్తున్నారు. ఈ సినిమా ఫస్ట్ లుక్‌ను రిలీజ్ చేసిన నిర్మాత కేవీవీ సత్యనారాయణ మాట్లాడుతూ– ‘‘గిరీష్‌బాబు నిర్మిస్తున్న తొలి చిత్రమిది.
