మన జీవితంలో ఎంత ఉన్నత స్థానంలోకి వచ్చినా..చిన్ననాటి జ్ఞాపకాలు గుర్తుకు వస్తే..ముఖ్యంగా మనం చిన్నతనంలో స్కూల్లో చేసిన చిలిపి జ్ఞాపకాలు గుర్తుకు వస్తే మనసు ఎంత ఉల్లాసంగా ఉంటుంది..ఒక్కసారి మన స్కూల్ ఏజ్ లోకి వెళ్తే ఎంత బాగుంటుందో అని అనుకుంటాం. చిన్నతనం మనకి జీవితాంతం అద్భతమైన జ్ఞాపకాలే..తిరిగిరాని అందమైన రోజులు. ఇక వెన్నెల సినిమాతో కమెడియన్ గా మంచి గుర్తింపు తెచ్చుకున్న వెన్నెల కిషోర్ ఇప్పుడు టాప్ కమెడియన్ గా చెలామణి అవుతున్నాడు.
సాధారణంగా వెన్నెల కిషోర్ సినిమాల్లో ఏవిధంగా ఉంటాడో.. ట్విటర్లో కూడా అలాంటి పంచ్లే వేస్తూ.. సమాధానాలు ఇస్తు ఉంటాడు. నిన్న సాయంత్రం సరదాగా కమెడియన్స్ అందరూ స్కూల్ యూనిఫామ్స్ వేసుకుని దిగిన ఫోటోను షేర్ చేశాడు. బ్యాక్2స్కూల్ థీమ్ పార్టీ అంటూ.. పోస్ట్ చేసిన వెన్నెల కిషోర్.. ఈ సారి మాత్రం నాకు మరీ చిన్న షార్ట్ వచ్చిందంటూ.. ట్వీట్ చేశాడు.
ఈ ఫోటోలో కమెడియన్లు సప్తగిరి, ధన్ రాజ్, రోలర్ రఘు, చిత్రం శీను, వేణు వండర్ తదితరులు ఈ ఫొటోలో ఉన్నారు. ఈ పార్టీలో వేసుకోవడానికి తనకు చిన్న షార్ట్ వచ్చిందని కిశోర్ చెప్పాడు. కాగా, ఈయన పోస్ట్ చేసిన ఫొటో ప్రస్తుతం సోషల్ మీడియాలో వైరల్ గా మారింది.