సినిమా ఇండస్ట్రీలో స్వయంకృషితో పైకి వచ్చినవారిలో మెగాస్టార్ చిరంజీవి ఒకరు. టాలీవుడ్ లో మహానటులు ఎన్టీఆర్, ఏఎన్ ఆర్ ల తర్వాత కృష్ణ,శోభన్ బాబు లాంటి హీరోలు రాజ్యమేలుతున్న సమయంలో ఎలాంటి బ్యాగ్ గ్రౌండ్ లేకుండా పునాధిరాళ్లు సినిమాతో చిన్న పాత్రలో కనిపించిన చిరంజీవి తర్వాత విలన్ గా నటించి హీరోగా మారారు. ఆయన మెగాస్టార్ స్థాయికి రావడానికి ఎన్నో కష్టలు, కన్నీళ్లు అధికమించారు. అయితే తనలా ఇండస్ట్రీలో ఎలాంటి బ్యాగ్ గ్రౌండ్ లేకుండా హీరోలు అయిన వారికి ఆదర్శంగా నిలిచారు.
ఈ నేపథ్యంలో వచ్చిన హీరో విజయ్ దేవరకొండ. లైఫ్ ఈజ్ బ్యూటిఫుల్ సినిమాతో చిన్నపాత్రలో కనిపించిన విజయ్ దేవరకొండ ‘ఎవడే సుబ్రమణ్యం’సినిమాతో నటుడిగా ప్రూఫ్ చేసుకున్నాడు. ఇక పెళ్లిచూపులు హిట్ తర్వాత వచ్చిన ‘అర్జున్ రెడ్డి’ సినిమాతో స్టార్ ఇమేజ్ సొంతం చేసుకున్నాడు. ఇండస్ట్రీలో ఇప్పుడు విజయ్ దేవరకొండ అంటే హిట్ కి కేరాఫ్ అడ్రస్ గా మారాడు. నిన్న విజయ్ దేవరకొండ, రష్మిక జంటగా నటించిన ‘గీతాగోవిందం’రిలీజ్ అయ్యింది.
విడుదలైన అన్ని కేంద్రాల్లో హిట్ టాక్ వచ్చింది. తాజాగా ఈ సినిమా చూసిన సెలబ్రెటీలు విజయ్ నటనపై ప్రశంసలు కురిపిస్తున్నారు. చిరంజీవి కోసం ఈ సినిమా స్పెషల్ షోను వేశారు. స్పెషల్ షో చూసిన చిరంజీవి ఈ సినిమా టీమ్ ను ప్రశంసించారు. దర్శకుడిగా పరశురామ్ కథాకథనాలను నడిపించిన తీరును .. విజయ్ దేవరకొండ నటనను ఆయన అభినందించారు. హీరోయిన్ రష్మిక మందన తన పరిధిలో చాలా చక్కగా నటించిందనీ .. సంగీతం ఈ సినిమాకి ప్రత్యేక ఆకర్షణగా నిలిచిందని అన్నారు. చిరంజీవి ఇచ్చిన కాంప్లిమెంట్ తో ఈ సినిమా టీమ్ లో ఉత్సాహం పెరిగింది.
