బాలీవుడ్ బ్యూటీ ప్రియాంక చోప్రా ఇప్పుడు హాలీవుడ్ లో తన సత్తా చాటుతున్న విషయం తెలిసిందే. అయితే ఈ అమ్మడికి సంబంధించిన వార్తలతో సోషల్ మీడియాలో తెగ వార్తలు వస్తున్నాయి. ప్రియాంక చోప్రా త్వరలోనే పెళ్లి చేసుకోబోతోందని గత కొద్దిరోజులుగా వార్తలు వస్తున్నాయి. అయితే.. ఈ వార్తలపై ఇప్పటి వరకు పెదవి విప్పని ప్రియాంక చోప్రా.. కాకపోతే శనివారం కుటుంబ సభ్యులు, సన్నిహితుల సమక్షంలో అధికారికంగా పెళ్లిపై క్లారిటీ ఇవ్వబోతున్నట్లు వార్తలు వచ్చిన నేపథ్యంలో ప్రియాంక చోప్రా, అమెరికన్ సింగర్ నిక్ జొనాస్ లు ముగింపు పలికారు. వారిద్దరి ఎంగేజ్ మెంట్ ఈ ఉదయం ముంబైలోని ప్రియాంక నివాసంలో నిరాడంబరంగా జరిగింది.
ఈ సందర్భంగా పసుపు రంగు దుస్తుల్లో ప్రియాంక మెరిసిపోగా... కుర్తా పైజమా ధరించి అందరినీ ఆశ్చరపరిచాడు ఆమె బాయ్ ఫ్రెండ్. గత కొంత కాలంగా అమెరికాకి చెందిన సింగర్ నిక్ జోనస్‌తో గత ఏడాదికాలంగా ప్రియాంక చోప్రా ప్రేమాయణం నడుపుతోంది. ఈ క్రమంలో నెల క్రితం భారత్‌కి వచ్చిన నిక్ జోనస్‌ ముంబయి వీధుల్లో ప్రియాంక చోప్రాతో కలిసి చక్కర్లు కొట్టడమే కాకుండా.. ఆమె కుటుంబ సభ్యులను కూడా కలిశాడు. ఆ తర్వాత ప్రియాంక పుట్టినరోజునాడు వీరిద్దరికీ నిశ్చితార్థం కూడా జరిగిపోయిందని అమెరికా మీడియా వెల్లడించింది.
కానీ.. ఈ వార్తలపై ఇద్దరూ స్పందించలేదు. వీటన్నింటికి చెక్ పెడుతూ..వీరిద్దరి నిశ్చితార్థం ప్రియాంక, నిక్ ల తల్లిదండ్రుల సమక్షంలో ఈ వేడుక జరిగింది. ప్రియాంక కజిన్, సినీ నటి పరిణీతి చోప్రా కూడా ఈ కార్యక్రమానికి హాజరైంది. ఈ సాయంత్రం ముంబైలోని ఓ స్టార్ హోటల్ లో వీరు ఎంగేజ్ మెంట్ పార్టీ ఇస్తున్నారు. ఈ పార్టీకి రణవీర్ సింగ్, కరణ్ జొహాలతో పాటు పలువురు సెలబ్రిటీలు హాజరవుతున్నారు.
