తెలుగు ప్రేక్షకులకు బాగా దగ్గరైన కార్యక్రమాల్లో ఒకటి ‘జబర్ధస్త్’. ఒకదశలో జబర్ధస్త్ కార్యక్రమం వస్తుందీ అంటే ఇంటిసభ్యులంతా వీక్షిస్తూ తెగ నవ్వుకుంటారు. ఇందుల్లో ప్రతి వారం కొత్త కొత్త స్కిట్స్ తో జబర్ధస్త్ టీమ్ సభ్యులు చేసే సందడి అంతా ఇంతా కాదు. అయితే ఈ జబర్ధస్త్ ఔత్సాహిక కళాకారులకు పెద్ద పీట వేసింది అనడంతో అతిశయోక్తి లేదు. జబర్ధస్త్ నుంచి వెండి తెరపై తమ అదృష్టాన్ని పరీక్షించుకుంటూ మంచి కమెడియన్లు గా సెటిల్ అయిన వారిలో వేణు, తాగు బోతు రమేష్, దన్ రాజ్, సుడిగాలి సుధీర్, షకల్ శంకర్, చమ్మక్ చంద్ర.
ఈ మద్య షకలక శంకర్ హీరోగా ‘శంబోశంకర’ నటించాడు..మరికొన్ని సినిమాల్లో నటించబోతున్నాడు. అయితే గత కొంత కాలంగా జబర్ధస్త్ అనగానే వెంటనే గుర్తుకు వచ్చేది హైపర్ ఆది. తాజాగా ఓ ఇంటర్వ్యూలో హైపర్ ఆది గురించి మరో కమెడియన్ 'కిరాక్ ఆర్పీ' ఎన్నో విషయాలు తెలిపారు. "హైపర్ ఆది జీరోగా వున్నప్పటి నుంచి నాకు తెలుసు. హైపర్ ఆది .. నేను ఇద్దరం ఓకే ఇంట్లో ఉండేవాళ్లం. ఎక్కడికి వెళ్లినా ఇద్దరం కలిసే వెళ్లే వాళ్లం...నాకు ఏదైనా కష్టం వస్తే..తనకు చెప్పుకోవడం..తనకు ఏదైనా కష్టం వస్తే..నాకు చెప్పుకోవడం జరిగేది అన్నారు.
అయితే ఆది మొదటి నుంచి మంచి తెలివితేటలు కలవాడని..తనలో ఎంతో టాలెంట్ ఉందని అన్నారు. అప్పుడే హైపర్ జబర్ధస్ లో ఓ రేంజ్ కి ఎదుగుతాడని అతనికి ముందే చెప్పానని అన్నారు. అతను నా కళ్ల ముందే టీమ్ లీడర్ అయ్యాడు .. సినిమాల్లోకి కూడా వెళ్లాడు. ఒకానొక సమయంలో 'జబర్దస్త్' షోనే ఒక రేంజ్ కి తీసుకెళ్లిన వాడిగా హైపర్ ఆది మార్కులు కొట్టేశాడు" అని చెప్పుకొచ్చాడు.