తెలుగు, తమిళ సినిమాల్లో తన నిషా కళ్లతో కుర్రాళ్లను ఇట్టే కట్టి పడేసిన నటి త్రిష. తెలుగులో ప్రభాస్ సరసన ‘వర్షం’సినిమాలో నటించి త్రిష ఆ తర్వాత వరుసగా తెలుగు, తమిళ, మళియాళ సినిమాలో అగ్ర హీరోలతో నటించి నెంబర్ వన్ రేస్ లోకి వెళ్లింది. గత కొంత కాలంగా లేడీ ఒరియెంటెడ్ సినిమాల్లో నటిస్తున్న త్రిష ఈ మద్య మోహిని లాంటి హర్రర్ సినిమాలో నటించి మెప్పించింది. అయితే ఇండస్ట్రీలో ఇప్పటి వరకు ఎంతో మంది ‘స్టాలిన్ ’ సినిమాలో చిరంజీవితో కూడా నటించిన త్రిష ఇప్పటి వరకు తమిళ సూపర్ స్టార్ రజినీకాంత్ తో మాత్రం నటించలేదు.
ఇండస్ట్రీలోకి త్రిష ఎంట్రీ ఇచ్చి పదిహేను సంవత్సరాలు అవుతంది. ఎన్నో ఇంటర్వ్యూలో తన జీవితంలో ఒక్కసారైన రజినీకాంత్ తో నటించాలని ఆశగా ఉందని చెప్పారు. మొత్తానికి త్రిష కోరిక నెరవేరింది..కార్తిక్‌ సుబ్బురాజ్‌ దర్శకత్వం వహిస్తున్న కొత్త సినిమాలో రజనీకాంత్‌తో కలిసి నటించే అవకాశం వచ్చింది. ఇటీవలే నిర్మాణ సంస్థ సన్‌ పిక్చర్స్‌ ఈ విషయాన్ని అధికారికంగానూ ప్రకటించింది.
ఈ నేపథ్యంలో త్రిష తన ట్విట్టర్‌ పేజిలో రజనీకాంత్‌తో పాటు ఉన్న ఫోటోను విడుదల చేసి తన ఆనందాన్ని వ్యక్తం చేసింది. తన చిరకాల స్వప్నం నెరేరిందని..తైలావా రజినీకాంత్ తో నటించే అవకాశం దక్కిందని..ఇందుకు తాను ఎంతో సంతోషిస్తున్నానని తన ఫేస్ బుక్ లో పోస్ట్ చేసింది. ఏదేమైనా రజనీతో కలిసి నటిస్తున్నానన్న ఆనందం త్రిషలో కొట్టొచ్చినట్టు కనిపిస్తుందని త్రిష అభిమానులు సైతం సంతోషంలో ఉన్నారు.
