టాలీవుడ్ లో ఎన్టీఆర్, ఏఎన్ఆర్, కృష్ణ, శోభన్ బాబు ల తర్వాత ఆ క్రేజ్ చిరంజీవి, బాలకృష్ణ,నాగార్జున లాంటి హీరోలకు దక్కింది. ఇందులో స్వయంకృషితో పైకి వచ్చిన చిరంజీవి పక్కన బెడితే..నందమూరి ఫ్యామిలీ నుంచి బాలకృష్ణ, అక్కినేని ఫ్యామిలీ నుంచి నాగార్జునలు వారసులుగా ఎంట్రీ ఇచ్చి తమకంటూ స్టార్ ఇమేజ్ సొంతం చేసుకున్నారు. ఈ ముగ్గురు హీరోలు ఇప్పటికీ కుర్ర హీరోలతో పోటీ పడీ మరి నటిస్తున్నారు. గతంలో టాప్ హీరోల మంద్య కొన్ని అభిప్రాయ భేదాలు ఉన్నాయని వార్తలు వస్తున్న విషయం తెలిసిందే. కానీ ఈ టాప్ హీరోలు మాత్రం తమ మద్య ఎలాంటి విభేదాలు లేవని..తమదంతా సినీ కుటుంబం అని స్టేట్ మెంట్స్ ఇస్తున్నారు.
మొన్నామద్య మెగాస్టార్ చిరంజీవి పుట్టిన రోజు సందర్భంగా బాలయ్య మాట్లాడుతూ..ఇండస్ట్రీలో తనకు అత్యంత సన్నిహితుడు ఎవరంటే..చిరంజీవి అని అన్నారు. తాజాగా మెగాస్టార్ చిరంజీవి తన తాజా సినిమా 'సైరా' షూటింగ్ లో బిజీగా ఉండగా, సెట్లోకి వచ్చిన హీరో బాలకృష్ణ కాసేపు సందడి చేసి అందరికీ షాక్ ఇచ్చారు. బాక్సాఫీసు వద్ద పోటీ పడే విషయంలో సుదీర్ఘకాల ప్రత్యర్ధులైన వీరిద్దరూ, వ్యక్తిగతంగా మంచి మిత్రులన్న సంగతి అందరికీ తెలిసిందే. హైదరాబాద్ లో 'సైరా' షూటింగ్ జరుగుతూ ఉండగా, బాలయ్య అక్కడికి వెళ్లి అందరినీ ఆశ్చర్యపరిచారట.
ప్రస్తుతం తాను ఎన్టీఆర్ బయోపిక్ లో నటిస్తున్న విషయం తెలిసిందే. ఇక చారిత్రాత్మక సినిమాలంటే ఎంతో ఇష్టపడే బాలకృష్ణ ఆ మద్య గౌతమి పుత్ర శాతకర్ణి సినిమాలో నటించారు. ప్రస్తుతం చిరంజీవి నటిస్తున్న ‘సైరా’షూటింగ్ సెట్ కి వెళ్లి చిరంజీవిని, చిత్ర టీమ్ ను అభినందించిన బాలయ్య, సినిమా బాగా రావాలని ఆకాంక్షిస్తున్నట్టు తెలిపారు. వీరిద్దరూ సెట్స్ లో చాలా సేపు ముచ్చట్లాడుతూ కూర్చున్నారని తెలుస్తుండగా, ఈ కలయికకు సంబంధించిన ఫోటోలు బయటకు రాలేదు.
