అభిమాన ప్రేక్షకులు వరదలా వచ్చి ధియేటర్లను నింపేసి కేవలం పద్నాలుగు కోట్ల రూపాయల పెట్టుబడితో కథానాయకుడు విజయ్ దేవరకొండ నటించిన సినిమాపై, ఒక పన్నెండు రోజుల్లో వంద కోట్ల రూపాయల వసూళ్ళ వర్షం కురిపించారు,  గీత గోవిందం దాని విజయం అపూర్వం మొత్తం సినిమాని తన భుజస్కందాలపై మోసిన ఈ సినిమా విజయం ప్రస్తుతానికి అద్భుతమే. పెళ్ళి చూపులు సినిమాలోని సాధారణ కథానాయకుడు అర్జున్ రెడ్డిగా మారి విజృంభించాడు. 

మొత్తం ఒక సంవత్సర కాలం లో ఆయన దశ తిరిగింది. ఒక సంవత్సరం కిందట విజయ్ దేవరకొండ ఒక చిన్న నటుడు. కాలం గిర్రున తిరిగింది గత సంవత్సరం ఆగస్టు లో విడుదల అయిన ‘అర్జున్ రెడ్డి’ అతడి చరిత్ర గతిని జాతకాన్ని పూర్తిగా మార్చేసింది. అర్జున్ రెడ్డికి ముందు విజయ్ దేవరకొండ పెళ్లి చూపులు సినిమాతో తొలి సూపర్ హిట్‌ ను తన ఖాతాలో వేసుకున్నాడు. అయితే అర్జున్ రెడ్డి తర్వాత అతడి దిశ మారి దశ తిరిగిపోయింది. ఆ సినిమా అందించిన సంచలన విజయంతో విజయ్ దేవరకొండ యువతరం లోనే మేటి కథానాయకుడయ్యాడు.

మహానటి లో అతడిది అతిధి పాత్రే అయినా మంచి గుర్తింపు వచ్చి ఆ సినిమాతో చివరకు ఒక "యూత్ ఐకాన్‌" గా మారిపోయాడు. గీత గోవిందం ఒక ఆయన్ని తారాపథాని కి తీసుకెళ్ళింది. అర్జున్ రెడ్డి సినిమా నచ్చని వాళ్ళు సైతం గీత గోవిందం తో ముచ్చట పడ్డారు. గీత గోవిందం మరో సంచలనంగా నిలుస్తోందిప్పుడు. ఇప్పటికే ఈ పన్నెండు రోజులకే సినిమా వంద కోట్ల రూపాయల గ్రాస్ వసూళ్ల మార్కును దాటేసి, నిర్మాతల షేర్ గా ₹52 కోట్లు అందించటం అంటే 272% నెట్ ప్రోఫిట్స్ సాధించింది. తద్వారా ఈ సినిమాలో  వ్యాపారభాగస్వాములైన ప్రతి ఒక్కరి పంట పండించింది. 

గత 2017 ఆగస్టులో ఒక సూపర్ హిట్‌ 2018 ఆగష్ట్ లో మరో సూపర్ హిట్‌ను ఖాతాలో వేసుకున్న విజయ్ దేవరకొండ - భవిష్యత్ లో నటించనున్న సినిమాల రెమ్యూనరేషన్‌ ను పెంచేశాడని చిత్ర నగరిలో బలంగా వినిపిస్తోంది. ఇప్పుడు విజయ్ దేవరకొండ నటిస్తున్న "నోటా - డియర్ కామ్రేడ్" సినిమాల తరవాత నటించబోయే సినిమాలకు ఈ కథానాయకుడు పది కోట్ల రూపాయల రెమ్యూనరేషన్‌ ను డిమాండ్ చేస్తున్నాడనే వార్తలు గుప్పుమంటున్నాయి. అధికారిక వివరణ లేకపోయినా, వరస విజయాలతో, యూత్‌ లో ఐకన్ గా బ్రహ్మాండమైన క్రేజ్‌ సంపాదించుకున్న యువ హీరో ఆ రెమ్యూనరేషన్ డిమాండ్ చేయడం పెద్ద విశేషం కూడా కాదని టాలీవుడ్ వర్గాలు అంటున్నాయి.