ప్రపంచ స్థాయిలో మంచి గుర్తింపు తెచ్చుకున్న బిగ్ బాస్ ఇప్పుడు భారత దేశంలో కూడా మంచి ఫామ్ లో కొనసాగుతుంది. బాలీవుడ్ లో కండల వీరుడు ఏకంగా పదకొండు సీజన్లు కంప్లీట్ చేసి పన్నెండవ సీజన్ కి వెళ్తున్నాడు. తెలుగు లో ప్రస్తుతం నాని హీస్ట్ గా వ్యవహరిస్తుంటే..తమిళ్ లో కమల్ హాసన్, కన్నడంలో కిచ్చ సుదీప్, మళియాళంలో సూపర్ స్టార్ మోహన్ లాల్ హోస్ట్ లు వ్యవహరిస్తున్నారు. అయితే బిగ్ బాస్ హౌజ్ లోకి ఎంట్రీ ఇవ్వడం అనేది అంత సామాన్య విషయం కాదు..ఒకవేళ ఎంట్రీ ఇచ్చిన అందులో టాస్క్ ల్లో విజయం సాధిస్తూ..ప్రజల అభిమానాన్నిచూరగొంటూ..వారి ఓట్లు రాబట్టడం అనేది తలకు మించిన భారం.
ఇదిలా ఉంటే బాలీవుడ్ లో బిగ్ బాస్ హౌజ్ కంటిస్టెంట్లకు మంచి రెమ్యూనరేష్ లభిస్తుందని టాక్. తాజాగా తాజగా బిగ్ బాస్ హిందీ 12వ సీజన్ ప్రారంభమైంది. కండలవీరుడు సల్మాన్ ఖాన్ హోస్ట్ గా వ్యవహరిస్తున్నాడు. ఈ సీజన్ లో కంటెస్టెంట్స్ ని జంటలుగా ఎంపిక చేయడం విశేషం. సభ్యుల రెమ్యునరేషన్ వివరాలు షాకింగ్ గా ఉన్నాయి. ఇక బాలీవుడ్ లో లేడి కమెడియన్ భారతి సింగ్ టివి క్వీన్ గా మారిపోయింది. పలు టీవీషో లలో భారతి సింగ్ పెర్ఫామ్ చేస్తోంది. ఈసారి బిగ్ బాస్ హౌజ్ లోకి జంటలు ఎంట్రీ ఇవ్వబోతున్నారు.
ఈ నేపథ్యంలో కమెడియన్ భారతి ఆమె భర్త బిగ్ బాస్ లోకి ఎంట్రీ ఇస్తున్నట్లు టాక్. ఇటీవలే బిగ్ బాస్ 12 గోవాలో అట్టహాసంగా ప్రారంభమైంది. ఈ షోలో భారతి సింగ్, ఆమె భర్త హార్ష్ కలసి పాల్గొనబోతున్నారు. అయితే బిగ్ బాస్ లో పాల్గొన్నందుకు భారతి సింగ్, హార్ష్ దంపతులు వారానికి 50 లక్షల పారితోషకం డిమాండ్ చేశారట. బుల్లి తెరపై భారతికి ఉన్న క్రేజ్ దృష్ట్యా వారికి అంత రెమ్యునరేషన్ ఇచ్చేందుకు నిర్వాహకులు అంగీకరించినట్లు తెలుస్తోంది.
భారతి సింగ్ వారానికి 30 లక్షలు, ఆమె భర్త హార్స్ 20 లక్షలు అందుకోబోతున్నారట. గతంలో బిగ్ బాస్ లో పాల్గొని హై రెమ్యూనరేషన్ తీసుకున్న వారిలో పికా కాకర్ వారానికి 16 లక్షల రెమ్యునరేషన్ అందుకోగా, హీనా ఖాన్ 8 లక్షల పారితోషకం అందుకుంది. ఇక టీవీ షో ద్వారా మంచి క్రేజ్ తెచ్చుకున్న భారతికి అంత పెద్ద రెమ్యూనరేషన్ ఇవ్వడం బిగ్ బాస్ చరిత్రలోనే ఫస్ట్ టైమ్ అంటున్నారు.
