సైరా లో స్వీటీ అనుష్క — ఈ విషయమై ఫిలింనగర్లో వార్తలు జోరుగా ఊపందుకున్నాయి. అనుష్క లాంటి గెయిటీ నిండైన రూప లావణ్యాలు చరిత్రాత్మక కథానాయిక పాత్రకు సరిగా నప్పుతుంది. ఆమెకు తన పాత్ర కీలకమైతే చాలు సరిగా ఒక కీలక పాత్ర కోసం అనుష్క అయితేనే బాగుంటుందని భావిస్తున్నారట దర్శక నిర్మాతలు సురేందరరెడ్డి, రామ్ చరణ్ లు.
మెగా స్టార్ చిరంజీవి నటిస్తున్న తాజా చిత్రం 'సైరా నరసింహరెడ్డి'. మెగా పవర్ స్టార్ రామ్ చరణ్ నిర్మిస్తున్న ఈ సినిమాకి సురేందరరెడ్డి దర్శకత్వం వహిస్తున్న విషయం తెలిసిందే. ఈ సినిమాలో అమితాబ్ బచ్చన్, జగపతి బాబు, కిచ్చ సుదీప్ కీలక పాత్రల్లో నటిస్తుండగా మొత్తం మీద 'ఉయ్యాలవాడ నరసింహారెడ్డి' చరిత్రను అత్యంత ప్రతిష్టాత్మకంగా "సైరా" పేరుతో వెండితెరపై దృశ్యకావ్యంగా అత్యంత ప్రతిష్టాత్మకంగా ఆవిష్కరిస్తున్నారు.
మెగాస్టార్ చిరంజీవి నటిస్తున్న 151 వ చిత్రం "సైరా నరసింహా రెడ్డి". దర్శకత్వంలో తెరకెక్కుతున్న ఈ చిత్రాన్ని చిరంజీవి తనయుడు హీరో రాంచరణ్ తేజ్ అంజనా ప్రొడక్షన్స్ బ్యానర్‌పై నిర్మిస్తున్న ఈ దృశ్యకావ్యాన్ని 2019వేసవిలో విడుదల చేయడానికి సన్నాహాలు చేస్తున్నారు. ఏఆర్. రెహ్మాన్ సంగీతబాణీలు సమకూర్చనున్నారు. ఇటీవలే ఈ చిత్ర టైటిల్‌ను, మోస్టల్ పోస్టర్‌ను దర్శకధీరుడు ఎస్.ఎస్.రాజమౌళి చేతుల మీదుగా విడుదల చేశారు.
ఈ సినిమాలో చిరుకి ప్రధాన కావ్యనాయకిగా నయనతార నటిస్తుండగా, అనుష్క ఈ సినిమాలో చిరుకి మరో కీలక జోడీ పాత్రలో కనిపించబోతుందని సమాచారం. అయితే ఈ తాజా వార్తపై ఇప్పటి వరకు అధికారిక ప్రకటన రాలేదు కానీ, ఈ విషయమై ఫిలింనగర్లో వార్తలు జోరుగా జరుగుతున్నాయి. ఈ చారిత్రాత్మక చిత్రకథలో హీరో 'ఉయ్యాలవాడ నరసింహా రెడ్డి' కి ముగ్గురు భార్యలని. వీరిలో మొదటి భార్య సిద్ధమ్మ కాగా, రెండో భార్య పేరమ్మ. మూడో భార్య ఓబులమ్మ.
అయితే, తొలి భార్య సిద్ధమ్మగా నయనతార నటిస్తుందట. రెండో భార్యగా పేరమ్మగా 'దేవసేన' సౌందర్యరాసి అనుష్కను ఎంపిక చేసినట్టు సమాచారం. అయితే, మూడో భార్య ఓబులమ్మగా 'బాలీవుడ్ యంగ్ బ్యూటీ' ని ఎంపిక చేయాలన్న ఆలోచన లో చిత్ర యూనిట్ ఉన్నట్టు సమాచారం. ఇందుకోసం చిత్ర యూనిట్ పలువురి పేర్లను ఇప్పటి కే పరిశీలించినట్టు టాలీవుడ్ చిత్ర వర్గాల సమాచారం. ఆయన బర్త్ డే సందర్బంగా ఫస్ట్ లుక్ ను కూడా విడుదల చేసారు.
