నాచురల్ స్టార్ నాని ప్రస్తుతం దేవదాస్ రిలీజ్ కు రెడీ అవుతున్నాడు. కింగ్ నాగార్జునతో నాని కలిసి చేసిన మల్టీస్టారర్ మూవీ దేవదాస్. శ్రీరాం ఆదిత్య డైరక్షన్ లో వచ్చిన ఈ సినిమాను అశ్వనిదత్ నిర్మిస్తున్నారు. ఈ నెల 27న ఈ సినిమా ప్రేక్షకుల ముందుకు వస్తుంది. సినిమాలో దేవగా నాగార్జున, డాస్ గా నాని నటిస్తున్నారు.
ఇక ఈ సినిమాతో పాటుగా నాని మళ్లీరావా దర్శకుడు గౌతం తిన్ననూరి డైరక్షన్ లో జెర్సీ సినిమా చేస్తున్నాడు. ఆ సినిమాలో నాని క్రికెటర్ గా కనిపిస్తాడని తెలుస్తుంది. స్పోర్ట్స్ బ్యాండ్ డ్రాప్ తో వస్తున్న ఈ సిన్మాలో నాని కొత్తగా కనిపిస్తాడని అంటున్నారు. ఇక మరో పక్క చంద్రశేఖర్ యేలేట్ డైరక్షన్ లో కూడా నాని ఓ మూవీ సైన్ చేశాడు.
బెస్ట్ స్క్రీన్ ప్లే రైటర్ గా పేరు తెచ్చుకున్న యేలేటి మనమంతా తర్వాత కొద్ది పాటి గ్యాప్ తో నానితో సినిమాకు రెడీ అవుతున్నాడు. ఈ సినిమాలో నాని పోలీస్ గా కనిపిస్తాడట. నాని కెరియర్ లో మొదటిసారి పోలీస్ పాత్రలో నటిస్తున్నాడు. అంతేకాదు ఈ సినిమా ఓ ప్రయోగాత్మకంగా ఉంటుందని తెలుస్తుంది.
నాని కెరియర్ లో మొదటిసారి పోలీస్ గా నటిస్తున్న ఈ సినిమాపై అంచనాలు భారీగా ఉన్నాయి. కమర్షియల్ గా హిట్ కొట్టకున్నా చంద్రశేఖర్ యేలేటి సినిమాకు ప్రత్యేకమైన ఫ్యాన్స్ ఉన్నారు. మరి ఇప్పుడు నాచురల్ స్టార్ నాని కూడా యేలేటికి తోడయ్యాడు కాబట్టి కచ్చితంగా సినిమా అంచనాలను మించి ఉంటుందని చెప్పొచ్చు.
