టాలీవుడ్ లో తొలివలపు సినిమాతో హీరోగా పరిచయం అయిన గోపిచంద్ దర్శకులు టి.కృష్ణ తనయులు. మొదటి సినిమా పెద్దగా పేరు తీసుకు రాలేదు..కానీ గోపి చంద్ నటించిన జయం, నిజం, వర్షం సినిమాలో మంచి పేరు వచ్చింది..కాకపోతే ఈ సినిమాల్లో గోపిచంద్ ప్రతినాయకుడిగా నటించారు. ఆ తర్వాత హీరోగా పలు యాక్షన్ సినిమాల్లో నటించిన గోపిచంద్ లౌక్యం సినిమాతో ఫ్యామిలీ ఆడియాన్స్ కి బాగా కనెక్ట్ అయ్యారు. ఆ తర్వాత వచ్చిన సినిమాలు వరుసగా ఫ్లాప్ అవుతూ వస్తున్నాయి. నేడు వినాయక చవితి పండుగ..అయితే గోపిచంద్ ఇంట్లో మరో పండుగ కూడా జరుగుతుంది. నేడు తెల్లవారు జామున 5.40 కు మరోసారి తండ్రి అయ్యాడు.
గోపీచంద్ భార్య రేష్మ ఒక ప్రైవేట్ హాస్పిటల్ లో బాబుకు జన్మనిచ్చినట్లుగా కుటుంబ సభ్యులు అధికారికంగా ప్రకటించారు. గోపీచంద్ రెండవ సారి తండ్రి అవ్వడంతో ఆనందంగా ఉన్నాడు. వినాయక చవితి పండుగ రోజున ఇంతకంటే బెస్ట్ సర్ప్రైజ్ ఇంకేం ఉండదు' అని ట్వీట్లో పేర్కొన్నారు. గోపీచంద్, రేష్మ 2013 మే నెలలో వివాహం చేసుకున్నారు. వీరిద్దరికి 2014 అక్టోబర్లో మొదటి అబ్బాయి పుట్టాడు. అతడికి గోపీచంద్ తండ్రి పేరు కలిసి వచ్చేలా విరాట్ కృష్ణ అని పేరు పెట్టారు. విరాట్ కృష్ణతో హాయిగా జీవితాన్ని గడిపేస్తున్న గోపీచంద్కు మరో కొడుకు రావడంతో మరింత సంతోషం ఆయన జీవితంలోకి వచ్చినట్లయ్యింది.
గోపీచంద్ భార్య రేష్మ ప్రముఖ తెలుగు హీరో శ్రీకాంత్ కు దగ్గరి బందువు అనే విషయం తెల్సిందే. శ్రీకాంత్ వీరి వివాహంను ముందుండి జరిపించడం జరిగింది. గోపిచంద్ 8 ఏళ్ల వయసులోనే ఆయన తండ్రి కృష్ణ మరణించారు.
చెన్నైలో చదువుకున్న ఆయన రష్యాలో ఇంజినీరింగ్ చదివారు. గోపీచంద్ అన్నయ్య ప్రేమ్ చంద్ ముత్యాల సుబ్బయ్య దగ్గర అసోసియేట్ డైరెక్టర్గా పని చేశారు. గోపీచంద్ రెండవ సారి తండ్రి అయిన సందర్బంగా సోషల్ మీడియాలో ఆయనకు శుభాకాంక్షలు వెళ్లువెత్తుతున్నాయి.