ఈవారం వినాయకచవితి నేపధ్యంలో జరిగిన చైతన్య సమంతల వార్ లో స్పష్టమైన ఆధిఖ్యత సమంత యూటర్న్ కు రావడంతో అక్కినేని కోడలు ఈ వినాయకచవితి వార్ విజేతగా మారింది. ‘యూటర్న్’ మూవీలో సమంత అద్భుతమైన నటనకు ప్రశంసలు దక్కుతున్నా ఈమూవీ విషయంలో ఆమె చేసిన ఒక పొరపాటు మళ్ళీ చేయవద్దు అంటూ ఆమెకు అభిమానులు విజ్ఞప్తి చేస్తున్నారు.
ఈమధ్య కాలంలో స్టార్ హీరోయిన్స్ తమ పాత్రలకు తామే డబ్బింగ్ చెప్పుకోవడం ఒక ట్రెండ్ గా మారింది. దీనికోసం చాలామంది హీరోయిన్స్ కష్టపడి తెలుగు నేర్చుకోవడమే కాకుండా తెలుగు నేర్చుకోవడం ప్రత్యేకమైన ట్యూషన్స్ కూడ పెట్టించుకుంటున్నారు.
ఈలిస్టులో సమంత కూడ చేరిపోయి తన వంతు ప్రయత్నాలు చేస్తోంది. మహానటి మూవీలో సమంత తన సొంత గొంతుతో డబ్బింగ్ చెప్పిన విషయం తెలిసిందే. ఆ ప్రయత్నానికి ప్రశంసలు లభించడంతో సమంత ‘యూటర్న్’ లో కూడ తన సొంత గొంతుతో ప్రయోగాలు చేసింది. ఇప్పుడు ఆ ప్రయోగమే ఆమెకు విమర్శలు వచ్చేలా చేస్తున్నాయి.
ముఖ్యంగా యూటర్న్ చిత్రంలోని కొన్ని ఎమోషనల్ సీన్స్ లో సమంత వాయిస్ అర్థం కాకుండా ఉందని తెలుగు సరిగ్గా రాక ఆ సీన్స్ లో డబ్బింగ్ సరిగ్గా చెప్పలేక పోయింది అన్న కామెంట్స్ వినిపిస్తున్నాయి. దీనితో సమంత భవిష్యత్ లో నటించే సినిమాలలో ఇలాంటి సొంత గొంతు ప్రయోగాలు చేయవద్దనీ ఆమె ఆత్మ అయిన చిన్మయి చేత డబ్బింగ్ చెప్పించుకోమని సమంతను అభ్యర్ధిస్తూ అభిమానులు విన్నపాలు చేసుకుంటున్నారు. దీనితో ‘యూటర్న్’ సక్సస్ లో సమంత పడ్డ కష్టానికి పూర్తి మార్కులు ఆమె అభిమానుల నుంచే రాలేదు అన్నది స్పష్టం అవుతోంది..
