తెలుగు ఇండస్ట్రీలో ఈ మద్య మల్టీస్టారర్ చిత్రాలు ఎక్కువగా వస్తున్న విషయం తెలిసిందే. ఈ నేపథ్యంలో అక్కినేని నాగార్జున, నాని నటించిన 'దేవదాస్' మిశ్రమ స్పందన్న వచ్చినా..ఈ వారంలో చెప్పుకోదగ్గ చిత్రాలు ఏవీ లేకపోవడంతో కలెక్షన్ల పరంగా దూసుకు వెళ్తుంది. ఈ మద్య చాలా చిత్రాలు లెన్తీగా ఉండటం వల్ల కొన్ని సీన్లు డిలీట్ చేస్తున్న విషయం తెలిసిందే. ఆ మద్య మహానటి చిత్రంలో పలు ముఖ్యమైన సన్నివేశాలు తీసేయాల్సిన పరిస్థితి రావడం..తర్వాత ఒక్కొ డీలీట్ సీన్లు యూట్యూబ్ లో రిలీజ్ చేశారు.
తాజాగా అక్కినేని నాగార్జున, నాని నటించిన 'దేవదాస్' చిత్రంలోని డిలీట్ చేసిన ఓ సీన్ ను నాని తన అభిమానులతో పంచుకున్నాడు. కార్పొరేట్ ఆసుపత్రుల్లో జరుగుతున్న మోసాల నేపథ్యంలో ఈ సన్నివేశాన్ని తెరకెక్కించగా, రావు రమేశ్ తో వాదనకు దిగే సీన్ ఇది. ఈ సన్నివేశం అభిమానులు ఆకట్టుకునేలా ఉంది. "నేను బయట ఎన్ని కేసులు డీల్ చేశానో తెలుసా?" అంటూ ప్రారంభమయ్యే నాని డైలాగుల్లో, పేపర్ తో గొంతుకోయొచ్చని తెలుసా? ఈ చేతులతో ఎన్ని బుల్లెట్లు తీశానో తెలుసా? అంటూ ఉద్వేగంతో చెప్పిన డైలాగులు హైలైట్ గా ఉన్నాయి.
నిడివి ఎక్కువైన కారణంగానే ఈ సీన్ ను సినిమాలో చేర్చలేదని సమాచారం. వైజయంతీ మూవీస్ బ్యానర్పై అశ్వనీదత్ నిర్మించిన ఈ సినిమాలో ఆకాంక్ష సింగ్, రష్మిక మందన్న హీరోయిన్లుగా నటించిన ఈ సినిమాకు మణిశర్మ సంగీతమందించారు. ఈ చిత్రంలో సీనియర్ నరేష్, రావ్ రమేష్, అవసరాల శ్రీనివాస్, బాహుబలి ప్రభాకర్, వెన్నెల కిషోర్, సత్య మొదలగువారు కీలక పాత్రలలో నటించారు. నాని వృత్తిని, అర్హతను కించపరుస్తూ మాట్లాడగా, ఆగ్రహంతో నాని మాట్లాడే మాటలు ఇప్పుడు అభిమానులను అలరిస్తున్నాయి.