టాప్ హీరోల సినిమాల మధ్య పోటీ విపరీతంగా పెరిగి పోవడంతో ఒక టాప్ హీరో సినిమాకు సంబంధించి మీడియాకు లీక్ అయిన కలెక్షన్స్ విషయంలో వాస్తవాలు ఎన్ని ?అన్న కోణంలో చర్చలు జరగడం సర్వ సాధారణంగా మారిపోయింది. ఈ ఏడాది సమ్మర్ రేస్ కు వచ్చిన మహేష్ 'భరత్ అనే నేను' కలెక్షన్స్ విషయంలో కూడా ఫేక్ ప్రచారం జరిగింది అంటూ అప్పట్లో వార్తలు వచ్చాయి. అయితే ఆ వార్తలను అప్పట్లో నిర్మాత దానయ్య ఖండించిన విషయం తెలిసిందే.
ఇప్పుడు మళ్లి కలెక్షన్స్ సునామీ సృట్టిస్తున్న 'అరవింద సమేత' కు ఈ సమస్య వచ్చినట్లుగా గాసిప్పులు హడావిడి చేస్తున్నాయి. ఇప్పటికే 'అరవింద సమేత' నాన్ 'బాహుబలి' రికార్డులను బ్రేక్ చేసింది అని వార్తలు వస్తున్న నేపధ్యంలో ఈ గాసిప్పులు ఇండస్ట్రీ వర్గాలలో కొంత మేర కలకలం సృట్టిస్తున్నట్లు టాక్. ఆసక్తికరమైన ఈ న్యూస్ వివరాలలోకి వెళ్ళితే 'అరవింద సమేత' టికెట్ ను ఆంధ్రప్రదేశ్ లోని అన్ని సెంటర్లకు సంబంధించి 200 రూపాయలుగా నిర్ణయించి అమ్ముతూ ఉండటంతో నిన్న ఈ సినిమాకు సంబందించిన బిసి సెంటర్లలో కలెక్షన్స్ విషయంలో కొద్దిగా డ్రాప్ వచ్చినట్లు వార్తలు హడావిడి చేస్తున్నాయి.
ఈ సినిమాను బిసి సెంటర్లో జూనియర్ అభిమానులు అంతా ఇప్పటికే చూసివేయడంతో పాటుఈ సెంటర్ల లోని సాధారణ ప్రేక్షకులు ఈ మూవీ టికెట్ ప్రైస్ తగ్గిన తరువాత చూడవచ్చు అన్న అభిప్రాయానికి రావడంతో బిసి సెంటర్లకు సంబందించి ఈ డ్రాప్ వచ్చింది అని అంటున్నారు. దీనితో ఈ ప్రమాదాన్ని పసిగట్టిన 'అరవింద సమేత' నిర్మాతలు అసలు కలెక్షన్స్ విషయంచెప్పకుండా కొంత మేర కలెక్షన్స్ ఫిగర్స్ ను పెంచి లీకులు ఇమ్మని ఈ మూవీ డిస్ట్రిబ్యూటర్ల పై వ్యూహాత్మక ఒత్తిడి చేస్తున్నట్లు వార్తలు హడావిడి చేస్తున్నాయి.
ఇప్పుడు ఈ వార్తలు వైరల్ గా మారి హడావిడి చేస్తున్న నేపధ్యంలో రానున్న రోజులలో 'అరవింద సమేత' కలెక్షన్స్ విషయంలో కూడా ఫేక్ కలెక్షన్స్ రగడ మొదలు అవుతుందా ? అంటూ కొందరు సందేహాలు వ్యక్తం చేస్తున్నారు. ప్రస్తుతం హడావిడి చేస్తున్న ఈ వార్తలలో ఎన్ని నిజాలో తెలియక పోయినా బ్లాక్ బస్టర్ టాక్ తెచ్చుకున్న 'అరవింద సమేత' కలెక్షన్స్ పై కూడా అనుమానాలు ప్రారంభం అవుతాయి అనుకోవడంలో ఎటువంటి సందేహం లేదు అంటూ ఇండస్ట్రీ వర్గాలలోని కొందరు గుసగుసలు ఆడుకుంటున్నట్లు టాక్..
