టాలీవుడ్ లో కి ‘ఏం మాయ చేసావే’ సినిమాతో హీరోయిన్ గా పరిచయం అయిన సమంత తర్వాత గ్లామర్ పాత్రలు పోషించి తెలుగు, తమిళ చిత్ర పరిశ్రలో టాప్ హీరోయిన్ గా చలామణి అయ్యింది. అక్కినేని అబ్బాయి నాగ చైతన్యతో వివాహం జరిగిన తర్వాత సమంత ఇండస్ట్రీకి దూరం అవుతుందని టాక్ వినిపించింది. కానీ అంచనాలు తలకిందులు చేస్తూ మహానటి, రంగస్థలం, అభిమన్యుడు, యూటర్న్ లాంటి హిట్ సినిమాల్లో నటించి తన క్రేజ్ మరింత పెంచుకుంది. వివాహం జరిగిన తర్వాత ఎక్స్ పోజింగ్..గ్లామర్ తరహా పాత్రలకు దూరంగా ఉండబోతున్నట్లు చెప్పింది. ఈ నేపథ్యంలో సుకుమార్ దర్శకత్వంలో వచ్చిన ‘రంగస్థలం’లో ఫస్ట్ టైమ్ డీ గ్లామరైజ్డ్ పాత్రలో నటించి మెప్పించింది.
డీ గ్లామరైజ్ అనే మాటే కానీ ‘రంగస్థలం’లో సమంత ఉన్నంతలో తన అందాలను ఆరబోసి అభిమానులకు కనువిందు చేసింది. ప్రస్తుతం నాగచైతన్యతో కలిసి ‘మజిలీ’ సినిమాలో నటిస్తుంది. ఈ సినిమా తర్వాత.. ఫేమస్ డైరెక్టర్ భార్గవతో కలిసి ఒక ప్రాజెక్టు చేయడానికి ఒప్పుకుంది. యానిమేషన్ ఫిలిమ్స్‌కి పెట్టింది పేరైన భార్గవ్.. ఒక పౌరాణిక చిత్రం చేస్తున్నారని, అందులో రావణుడి సోదరి శూర్పణఖ పాత్ర కోసం సమంతను ఫిక్స్ చేశారని తెలుస్తోంది. రామాయణంలో ‘శూర్పణఖ’ పాత్ర చాలా కీలకం.
రావణుడి చెల్లి శూర్పణఖ రాముడిపై మనసు పడటం.. రాముడు ఆమె ప్రేమను తిరస్కరించడం.. లక్ష్మణుడు ఆమె ముక్కు, చెవులు కోయడం.. అనంతరం రావణుడు లంకలో ఉన్న సీతను ఎత్తుకుకోవడం.. మనకు తెలిసిన కథే. ఇలాంటి పాత్ర పోషించాలంటే చాలా ఘట్స్ ఉండాల్సిందే. వాస్తవానికి ఈ పాత్ర కోసం కాజల్ అగర్వాల్ తీసుకున్నట్లు వార్తలు వచ్చాయి.
కథాచర్చలు కూడా ముగిసిన తరువాత మళ్ళి ఏం జరిగిందో ఏమో గాని సడన్ గా సమంత ను ఆ పాత్ర కోసం సెట్ చేసుకున్నారని తెలుస్తోంది. ఇప్పటికే యూ టర్న్ సినిమాతో లేడి ఓరియెంటెడ్ కథలతో మెప్పించగలనని నిరూపించుకున్న సమంత ఇప్పుడు శూర్పణఖ పాత్రలో కనిపించడానికి రెడీ అయ్యింది. ‘శూర్పణఖ’ అనే పౌరాణిక పాత్రలో ఏం మాయచేస్తుందో చూడాలి.
