ఒక్క సినిమా ఒకే ఒక్క సినిమా ఇండస్ట్రీలో జాతకం మారుస్తుందని అంటారు. అవును ఇండస్ట్రీలో ఎప్పటి నుంచో స్టార్ హోదా కోసం తెగ కష్టపడుతున్న నటులకు ఏ సినిమాలు కలిసి రాక..మద్యలోనే డ్రాప్ అవుతుంటారు. కానీ కొంత మందికి మాత్రం వరుస విజయాలతో ఒక్కసారే స్టార్ డమ్ పెరిగిపోతుంది. అష్ట చమ్మ సినిమాతో హీరోగా పరిచయం అయిన నానికి తర్వాత వచ్చిన సినిమాలే ఏవీ కలిసి రాలేదు..కానీ భలే భలే మగాడివోయ్ సినిమాతో ఒక్కసారే అదృష్టం కలిసి వచ్చింది..స్టార్ హీరోగా ఎదిగాడు.
ఇక యంగ్ హీరో విజయ్ దేవరకొండ విషయానికి వస్తే..పెళ్లిచూపులు, అర్జున్ రెడ్డి, గీతా గోవిందం ఈ మూడు సినిమాలతోనే స్టార్ హీరోల సరసన చేరాడు. ఇలా తక్కువ సమయంలోనే ఎక్కువ పాపులారిటీ సంపాదించారు. తాజాగా ‘అరవింద సమేత’హిట్ తో నటి పూజా హేగ్డె తెగ సంతోషంలో మునిగిపోతుంది. గతంలో ఒక లైలా కోసం, ముకుందా సినిమాలో తనకు గుర్తింపు రాలేదు..ఆ తర్వాత అల్లు అర్జున్ నటించిన ‘దువ్వాడ జగన్నాధం’తో కాస్త గుర్తింపు వచ్చింది. ఇప్పుడు అరవింద సమేత హిట్ తో కావడం..తర్వాత మహేష్ బాబు తో ‘మహర్షి’లో నటిస్తుంది.
ఈ సినిమాపై కూడా భారీ అంచనాలే ఉన్నాయి. ఆ తర్వాత ప్రభాస్...ఇలా స్టార్ హీరోలతో కలిసి నటించే అవకాశం వస్తుంది..ఈ సినిమాలు హిట్ అయితే కొంత కాలం వరకు ఎలాంటి ఢోకా ఉండదని తెగ సంతోషంతో ఉంది. అంతే కాదు సుకుమార్, రాంచరణ్ నటించిన 'రంగస్థలం'లో 'జిగేలు రాణి' ఐటెమ్ సాంగ్ అమాంతంగా క్రేజ్ ను పెంచేసింది.
.jpg)
ఈ పాట గురించి ఓ ఇంటర్వ్యూలో మాట్లాడుతూ..నన్ను 'జిగేలు రాణి' చేయమని చెప్పినప్పుడు ముందుగా పాట విన్నాను. జానపద గీతం తరహాలో వున్న ఈ పాట నాకు బాగా నచ్చింది. ఈ పాట జనంలోకి బాగా వెళుతుందనీ .. సినిమాకి హైలైట్ గా నిలుస్తుందని అనిపించింది. నాకు మంచి క్రేజ్ తెస్తుందని కూడా ఊహించాను. మొత్తానికి నేను అనుకున్నట్లే అయ్యిందని అంటుంది ఈ అందాల భామ.
