లాస్ట్ ఇయర్ వచ్చిన అర్జున్ రెడ్డి సంచలనాలు అందరికి తెలిసిందే. సందీప్ వంగ డైరక్షన్ లో వచ్చిన ఈ సినిమాలో విజయ్ దేవరకొండ, షాలిని పాండే లీడ్ రోల్స్ చేశారు. సినిమాలో విజయ్ నటనకు ఫిల్మ్ ఫేర్ అవార్డ్ కూడా వచ్చింది. తెలుగులో సూపర్ హిట్ అయిన ఈ సినిమా తమిళ, హింది భాషల్లో రీమేక్ అవుతుంది.
బాలా డైరక్షన్ లో తమిళ అర్జున్ రెడ్డి సినిమాకు వర్మ అని టైటిల్ పెట్టారు. వర్మ సినిమాతో కోలీవుడ్ స్టార్ హీరో విక్రం తనయుడు ధ్రువ్ హీరోగా పరిచయమవుతున్నాడు. ఈమధ్యనే రిలీజైన ఈ సినిమా టీజర్ సోసోగా అనిపించింది. ఇక ఇదే విధంగా అర్జున్ రెడ్డి హింది రీమేక్ కూడా సెట్స్ మీదకు వెళ్లింది.
అయితే హింది అర్జున్ రెడ్డిని సందీప్ వంగ డైరెక్ట్ చేస్తుండటం విశేషం. షాహిద్ కపూర్ హీరోగా నటిస్తున్న ఈ మూవీలో కియరా అద్వాని హీరోయిన్ గా నటిస్తుంది. ఇక ఇక్కడ ఈ సినిమాకు టైటిల్ గా కబీర్ సింగ్ అని పెట్టారట. సినిమాలో షాహిద్, కియరాల రొమాన్స్ అదిరిపోతుందని అంటున్నారు.
బాలీవుడ్ కు వెళ్లిన అర్జున్ రెడ్డి కచ్చితంగా సినిమా కంటెంట్ లో కూడా కొంత మార్పులను చేసుకోవడం ఖాయం. ఈ సినిమా కోసం సాహిద్ గడ్డం పెంచాడట. ఇప్పటికే షూటింగ్ మొదలైన కబీర్ సింగ్ అక్కడ ప్రేక్షకులను ఏమాత్రం ఎంటర్టైన్ చేస్తుందో చూడాలి. సందీప్ వంగ మాత్రం కబీర్ సింగ్ మీద కూడా ఫుల్ కాన్ ఫిడెంట్ తో ఉన్నాడు.
