ఆ మద్య టాలీవుడ్ లో కాస్టింగ్ కౌచ్ జరుగుతుందని..ఎంతో మంది అమాయక యువతులు కామాంధులకు బలైపోతున్నారని..ఇండస్ట్రీలో ఎంతో మంది ఈ దారుణాలకు పాల్పపడుతున్నారని ఆరోపిస్తు పెద్ద ఉద్యమం తీసుకు వచ్చింది నటి శ్రీరెడ్డి. ఆమె ఉద్యమానికి మహిళా సంఘాలు, సామాజిక కార్యకర్తలు, విద్యార్థులు, జూనియర్ ఆర్టిస్టులు ఇలా ఎంతో మంది సంఘీభావం తెలిపారు. అయితే ఉద్యమం మంచి ఊపందుకుంటున్న సమయంలో జనసేన అధ్యక్షుడు పవన్ కళ్యాన్ పై సంచలన వ్యాఖ్యలు చేయడంతో ఆమెపై ఒక్కసారే విమర్శలు వెల్లువెత్తాయి. ఆ ఉద్యమం కాస్త రాజకీయ రంగు పులుముకుంది. అంతే కాదు శ్రీరెడ్డిపై జనసేన కార్యకర్తలు, పవన్ ఫ్యాన్స్ అది దారుణంగా ట్రోల్ చేయడం మొదలు పెట్టారు.
అంతే కాదు అప్పటి వరకు ఆమెకు మద్దతు ఇచ్చిన వారు కూడా ఒక్కసారే యూటర్న్ తీసుకున్నారు. దాంతో శ్రీరెడ్డి కొంత కాలం ఇంటికే పరిమితం అయ్యింది..ఇంటి నుంచే సోషల్ మాద్యమాల్లో కాస్టింగ్ కౌచ్ గురించి పోరాటం చేసింది. ఆ మద్య తమిళంలో సినిమా ఛాన్స్ రావడంలో పూర్తిగా చెన్నైకి షిఫ్ట్ అయ్యింది. ఇదే సమయంలో అక్కడ కూడా కొంత మందిపై సంచలన ఆరోపణలు చేసింది.
ముఖ్యంగా దర్శకులు, నటుడు లారెన్స్ పై కూడా లైంగిక వేధింపుల ఆరోపణలు చేసింది. దానిపై స్పందించిన లారెన్స్ తన వ్యక్తత్వం గురించి ఇండస్ట్రీలోనే కాదు..సొసైటీలో ఎవరిని అడిగినా చెబుతారు అంటూ సమాధానం ఇచ్చారు..అంతేకాదు నటి శ్రీరెడ్డి కి తన తర్వాత సినిమాలో ఛాన్స్ కూడా ఇస్తున్నట్లు ప్రకటించారు. అన్నట్టుగానే ఆమెకు అవకాశం ఇచ్చినట్టు శ్రీరెడ్డే స్వయంగా ఇటీవల ప్రకటించింది. ఇప్పుడు కోలీవుడ్ బుల్లితెరపై అలరించబోతుందట. ఆ విషయాన్ని శ్రీరెడ్డే స్వయంగా వెల్లడించింది.
