ఈ మద్య టాలీవుడ్ లో హర్రర్, థ్రిల్లర్, కామెడీ కాన్సెప్ట్ తో వస్తున్న సినిమాలకు మంచి ఆదరణ లభిస్తుంది. ప్రముఖ కొరియోగ్రాఫర్, దర్శకులు, నటుడు అయిన లారెన్స్ ‘ముని’ సినిమాతో మొదలు పెట్టిన ఈ తరహా సినిమాలకు తెలుగు, తమిళంలో మంచి క్రేజ్ ఉంది. ముని తర్వాత ఇదే తరహా హర్రర్, కామెడీ జోనర్ లో కాంచన, గంగ సినిమాలతో వచ్చారు లారెన్స్. ఈ రెండు సినిమాలు కూడా సూపర్ హిట్ అయ్యాయి. ఇక తెలుగు లో ఆ మద్య అంజలి నటించిన ‘గీతాంజలి’కూడా మంచి విజయం అందుకుంది.
తాజాగా మరోసారి హర్రర్ మూవీతో భయపెట్టడానికి వస్తుంది అంజలి. ‘లిసా’ పేరిట తెలుగు, తమిళ భాషల్లో ఏక కాలంలో తెరకెక్కుతున్న సినిమాకు రాజు విశ్వనాథ్ దర్శకత్వం వహిస్తున్నారు. పీజీ మీడియా వర్క్స్ బ్యానర్‌పై ఈ సినిమాను నిర్మిస్తున్నారు. ఇక తెలుగు.. తమిళ భాషల్లో అంజలికి మంచి క్రేజ్ వుంది. ఓ వైపు హీరోయిన్ గా నటిస్తూనే..ఐటమ్ సాంగ్స్ లో నటించి మెప్పిస్తుంది అంజలి. ఆమద్య రిలీజ్ చేసిన ‘లిసా’ ఫస్టులుక్ కి మంచి రెస్పాన్స్ వచ్చింది. డిఫరెంట్ లుక్స్ తో ఈ సినిమాలో అంజలి కనిపించనుంది.
తమిళంలో రూపొందుతోన్న ఈ సినిమాను, తెలుగు .. మలయాళ .. హిందీ భాషల్లో విడుదల చేయనున్నారు. ఇంతవరకూ వచ్చిన హారర్ థ్రిల్లర్ సినిమాలకి .. ఈ సినిమా పూర్తి భిన్నంగా ఉంటుందని దర్శక నిర్మాతలు చెబుతున్నారు. తాజాగా ఈ సినిమాలో అంజలి లుక్‌ను పోస్టర్ రూపంలో విడుదల చేశారు. దర్శకుడు పూరీ జగన్నాథ్ ఈ లుక్‌ను విడుదల చేయగా, ప్రేక్షకుల్లో ఇది ఆసక్తిని రేకెత్తిస్తోంది.
దేశంలోనే మొదటి సారిగా స్టీరియోస్కోపిక్ 3డీ ఫార్మాట్‌లో రూపొందుతున్న హార్రర్ పిక్చర్ ఇదే కావడం విశేషం. కాగా ఈ సినిమాను హీలియం 8కె కెమెరాతో చిత్రీకరిస్తున్నారు. క్రిస్మస్ కానుకగా ఈ సినిమాను ప్రేక్షకుల ముందుకు తీసుకురానున్నారు.
