ఈ మద్య భారత దేశంలో మహిళలపై అత్యాచారాలు, హత్యలు, లైంగిక వేధింపులు బాగా జరుగుతున్నాయి. ప్రభుత్వాలు ఎన్ని కఠన చట్టాలు తీసుకు వస్తున్నా..ప్రతిరోజూ ఎక్కడో అక్కడ మహిళలపై చివరకు చిన్నారు, వృద్దులపై కూడా అఘాయిత్యాలు జరుగుతున్నాయి. అయితే చిత్రం ఇండస్ట్రీలో ఇప్పటి వరకు ఇలాంటి వాటిపై ఎన్నో చిత్రాలు వచ్చాయి..చిత్రాల్లో సమస్యలు పరిష్కరించినా..బయట మాత్రం ఈ దారుణాలు జరుగుతూనే ఉన్నాయి. తాజాగా ప్రవీణ క్రియేషన్స్‌ ప్రై.లి. పతాకంపై ఎన్‌.కరణ్‌ రెడ్డి సమర్పణలో రూపొందుతోన్న చిత్రం ‘ఉన్మాది’.
అన్ని కార్యక్రమాలు పూర్తి చేసుకున్న ఈ చిత్రం సెన్సార్‌ కార్యక్రమాలను పూర్తి చేసుకోనుంది. ఈ సందర్భంగా చిత్ర దర్శక నిర్మాత ఎన్‌.ఆర్‌.రెడ్డి మాట్లాడుతూ..ఈ సినిమా ఓ గ్రామీణ నేపథ్యంలో సాగుతుందని..ఆధ్యంతం థ్రిల్లింగ్ గా ఉండబోతుందని అన్నారు. గుంటూరు జిల్లాలోని నకరికల్లు గ్రామంలో పచ్చని పొలాలు మధ్య ముప్పై రోజుల పాటు జరిగిన సింగిల్‌ షెడ్యూల్‌లో చిత్రీకరణను పూర్తి చేశాం. 8ఫైట్స్‌, 5 సాంగ్స్‌తో సినిమా పూర్తి కమర్షియల్‌ ఎంటర్‌టైనర్‌గా ఉంటుంది. త్వరలోనే సెన్సార్‌ పూర్తి చేసి విడుదల తేదీని ప్రకటిస్తాం. అలాగే పాటల విడుదల తేదీ కూడా ప్రకటిస్తాం” అన్నారు.
మరో విశేషం ఏంటంటే..టైటిల్ పాత్రలో ఎన్‌.ఆర్‌.రెడ్డి నటిస్తూ దర్శకత్వం వహించారు. అల్లు రమేశ్‌, శివ, శిరీష, నాగిరెడ్డి, రమ్య, ప్రమీల, పుష్పలత, సోను, రాజేశ్వరి, డిఎస్‌పి, వెంకటాంజనేయులు, ఫణి సూరి, మున్నా, జానకి రామయ్య తదితరులు మిగతా పాత్రల్లో నటించారు. ఈ చిత్రానికి సంగీతం: డేవిడ్‌, కెమెరా: దంటు వెంకట్‌, ఎడిటర్‌: కె.ఎ.వై.పాపారావు, ఫైట్స్‌: దేవరాజ్‌, కొరియోగ్రఫీ: సామ్రాట్‌, జోజో, నిర్వహణ: ఎన్‌.వరలక్ష్మి, క్రియేటివ్‌ డైరెక్టర్ : రాఘవ, నిర్మాత: ఎన్‌.రామారావు, కథ, మాటలు, స్క్రీన్‌ప్లే, దర్శకత్వం: ఎన్‌.ఆర్‌.రెడ్డి.
