ఈ మద్య టాలీవుడ్ లో కి ఇతర భాష హీరోయిన్లు బాగానే రాణిస్తున్నారు. ఒకప్పుడు బాలీవుడ్ నుంచి వచ్చిన హీరోయిన్లు కేవలం గ్లామర్ ప్రాధాన్యత గల పాత్రలోనే నటించేవారు. ఈ కారణం చేత టాలీవుడ్ లో ఎక్కువగా స్థిరపడేక పోయారు. కానీ బాలీవుడ్ నుంచి ఎంట్రీ ఇచ్చిన రకూల్ ప్రీత్ సింగ్ మాత్రం స్టార్ హీరోయిన్లలో ఒకరు అయ్యారు. తెలుగు, తమిళ భాషలతో పాటు బాలీవుడ్ లో పలు సినిమాల్లో నటిస్తుంది రకూల్. ఇమెతో పాటు మరికొంత మంది హీరోయిన్లు బాలీవుడ్ నుంచి ఇక్కడ స్థిరపడటానికి ప్రయత్నాలు చేస్తున్నారు. ఇక మాలీవుడ్ నుంచి అయితే ఎంతో మంది హీరోయిన్లు తెలుగు తెరపై తమ సత్తా చాటుతున్నారు.
టాలీవుడ్ లో కేవలం మూడు సినిమాలు పెళ్లిచూపులు, అర్జున్ రెడ్డి, గీతాగోవిందం లాంటి బ్లాక్ బస్టర్ సినిమాలతో వరుస విజయాలు దక్కించుకున్న విజయ్ దేవరకొండ గత నెల ‘నోటా’సినిమాతో కాస్త ఇబ్బంది పడ్డారు. అయితే గీతాగోవిందం సినిమా కన్నా ముందు టాక్సీవాలా సినిమా పూర్తయ్యింది. కానీ ఈ సినిమా రిలీజ్ కావడంలో చాలా ఆలస్యం అయ్యింది..పలు టెక్నికల్ ఇబ్బందులు వల్ల ఈ సినిమా వాయిదా వేస్తూ వచ్చారు. మొత్తాని మొన్న శనివారం ఈ సినిమా ప్రపంచ వ్యాప్తంగా రిలీజ్ అయ్యింది. రిలీజ్ అయిన అన్ని సెంటర్లలో పాజిటీవ్ టాక్ రావడంతో విజయ్ దేవరకొండ ఖాతాలో మరో హిట్ వేసుకున్నాడు.
ఈ సినిమాలో నటించిన హీరోయిన్ ప్రియాంక జవాల్కర్ ఆనందానికి హద్దులు లేకుండా పోయాయి. తన మొదటి సినిమా రిలీజ్ విషయంలో ఇబ్బందులు పడ్డా..రిలీజ్ తర్వాత వచ్చిన ఫలితం చూసి ప్రియాంక జవాల్కర్ తెగ సంబర పడిపోతుంది. ఈ అమ్మాయి గ్లామర్ .. నటన చూసినవాళ్లు, మరిన్ని అవకాశాలను అందుకోవడం ఖాయమనే అంటున్నారు. తెలుగులో కొంతమంది దర్శక నిర్మాతలు అప్పుడే ఆమె డేట్స్ కోసం ప్రయత్నాలు చేస్తున్నట్లు సమాచారం.
