24 కిస్సెస్ సినిమా గురించి చెప్పాలంటే పేరు లోనే ఉంది. ఈ సినిమాలో 24 ముద్దులు ఉంటాయని , అయితే ఈ మధ్య తెలుగు బోల్డ్ కంటెంట్ తో సినిమా లు తీసి డబ్బులు సంపాదించాలని నిర్మాతలు భావిస్తున్నారని విమర్శలు ఎక్కువయి పోతున్నాయి. మేకర్స్ మాత్రం బాగా కవర్ చేయడానికి తంటాలు పడుతున్నాను. హెబ్బా పటేల్, అరుణ్ అదిత్ జంటగా నటించిన చిత్రం ‘24 కిస్సెస్’.‘నీకో సగం.. నాకో సగం.. ఈ ఉత్సవం’ అన్నది టాగ్ లైన్. ‘మిణుగురులు’ లాంటి అవార్డ్ విన్నింగ్ చిత్రాన్ని తీసిన అయోధ్యకుమార్ కృష్ణంశెట్టి ఈ సినిమాకి దర్శకత్వం వహించారు.

సిల్లీ మొంక్స్ ఎంటర్‌టైన్‌మెంట్స్, రెస్పెక్ట్ క్రియేషన్స్ బ్యానర్స్‌పై సంజయ్ రెడ్డి, అనిల్ పల్లెల, అయోధ్యకుమార్ కృష్ణంశెట్టిలు ఈ సినిమాని నిర్మించారు. ‘24 కిస్సెస్’ అనే బోల్డ్ టైటిల్‌తో ప్రేక్షకుల్లో ఆసక్తిరేకెత్తిస్తూ.. టీజర్, ట్రైలర్, మేకింగ్ వీడియో‌లతో ఈ చిత్రానికి ఫుల్ పబ్లిసిటీ తీసుకురావడంతో మేకర్స్ సక్సెస్ అయ్యారు. వీటిలో ‘కుమారి 21F’ చిత్రంతో సెన్సేషన్ హిట్ కొట్టిన బోల్డ్ బ్యూటీ హెబ్బా పటేల్.. ముద్దుల ఉత్సవానికి తెరతీసింది. పెదాలు కందిపోతున్నా పట్టించుకోకుండా పోటీ పడి ముద్దులు పెట్టేసింది. అర్జున్ రెడ్డి, ఆర్ ఎక్స్ 100 లాంటి చిత్రాలను మించి ఓన్లీ లిప్ లాక్‌లతో టీజర్ ట్రైలర్స్‌ని నింపేశారు. ఈ చిత్రానికి ఏ సర్టిఫికేట్ వచ్చినప్పటికీ.. ప్రమోషన్స్ వీడియోలలో శృంగారం రసం మితిమీరి ఉండటంతో ‘24 కిస్సెస్’పై చిత్ర సీమలో పెద్ద చర్చే నడిచింది. టీవీలలో ఈ సినిమాపై చర్చా కార్యక్రమాలు నడిచాయి

. అయితే ఇది బూతు సినిమా కాదని, మంచి క్లాసికల్ లవ్ స్టోరీ అని చిత్ర దర్శకుడు అయోధ్యకుమార్ కృష్ణంశెట్టి అంటున్నారు. ఎవరూ మర్చిపోలేని ఒక మంచి లవ్ స్టోరీ ఇది. మంచి సినిమా చూసిన అనుభవం కలుగుతుంది’ అన్నారు. ‘మిణుగురులు’ లాంటి మంచి సినిమా తీసిన నా నుంచి అసభ్య, బూతు సినిమా రాదు. ‘మిణుగురులు’ టీమ్ నుంచి వస్తోన్న మరో అద్భుతమైన చిత్రమిది. కమర్షియల్ ఎలిమెంట్స్‌తో తెరకెక్కించిన క్లాసికల్ లవ్ స్టోరీ. థియేటర్ నుంచి బయిటికి రాగానే ఎమోషన్ అనే తీపి గుర్తుతో వస్తారు. అందరూ కలిసి చూడ దగ్గ సినిమా. చూసిన ప్రతి ఒక్కరూ ఎంజాయ్ చేస్తారు అని ధీమాగా చెబుతున్నారు మేకర్స్. ట్విట్టర్‌లో ఈ మూవీపై స్పందనలు ఇలా ఉన్నాయి.