టాలీవుడ్ లో సిల్క్ స్మిత సినిమా జీవితానికి, మాలీవుడ్ షకీల సినీ జీవితానికి చాలా దగ్గరి పోలికలే ఉన్నాయి. శృంగార తారలిరువురు చిత్ర రంగాల్ని ఊపెయ్యటంలో ఒకరికి ఒకరూ ఇసుమంతైనా తీసిపోరు. యువ హృదయాల్లో శృంగార సెగలు రేపుతూ వారికి నిద్రలేని రాత్రులు గడిపేలా చేయటంలో వీరొకరిని మించిన వారు మరొకరు. సిల్క్ స్మిత జీవితం ఆధారంగా తీసిన సినిమా అంటూ విద్యా బాలన్ లాంటి ప్రసిద్ధ నటి నటించిన డర్టీ పిక్చర్ రికార్డ్ లను తిరగ రాసింది.
దక్షిణ భారతాన్ని 90వ దశకంలో ఉర్రూత లూగించిన మళయాళ సినీ నటి శృంగార భామ షకీలా యువతరం గుండెల్లో రేపిన సెగలు అంతా ఇంతాకాదు ఆమె సృష్టించిన ప్రభంజనం కూడా మామూలుగా ఉండేది కాదు. మొదట మలయాళ సినిమా రంగాన్ని కలక్షణ్ల వర్షంలో తడిపేసి సృష్టించిన వసూళ్ళ ప్రభంజనం కూడా అంతా ఇంతా కాదు.
అప్పట్లో బాక్సాఫీసు దగ్గర మమ్ముట్టి, మోహన్ లాల్ లాంటి స్టార్ హీరోలను సైతం వెనక్కి నెట్టేసి షకీలా తన సినిమాలతో ఒక రకంగా ప్రభంజనం కొనసాగించింది. ఆమె సినిమాలు సౌతిండియా అంతటా డబ్బింగ్ అయ్యి, భారీగా విడుదలై డబ్బులు చేసుకునేవి. దాంతో "షకీలా" కు ఎంతో మంది అభిమానులను సొంతం చేసుకున్నారు. ఒకప్పుడు లగ్జరీ జీవితం అనుభవించిన ఆమె తర్వాత తన సర్వస్వం కోల్పోయి చాలా ఇబ్బందిరక జీవితం గడుపుతోంది.
ఈ నేఫధ్యంలో షకీలా జీవితం ఆధారంగా ఇపుడు బాలీవుడ్ లో బయోపిక్ తెరకెక్కుతోంది. ఇంద్రజిత్ లంకేష్ దర్శకత్వం వహిస్తున్న ఈ చిత్రంలో షకీలా పాత్రను రీచా చద్దా పోషిస్తున్నారు. తాజాగా ఈ చిత్రానికి సంబంధించిన ఫస్ట్-పోస్టర్ విడుదల చేస్తే మంచి రెస్పాన్స్ వచ్చింది. ఈ సినిమాలో హాట్-బ్యూటీ, రిచా చద్దా షకీలా పాత్రలో ఒక వెలుగు వెలగబోతోది. ఈ చిత్రానికి "షకీలా" 'నాట్ ఎ పోర్న్ స్టార్' అనేది టాగ్ లైన్ ను టైటిల్ కు ఆద్ చేశారు. అయితే ఫోర్న్-స్టార్ బయోపిక్ లో నటించటమేంటి? అని అంతా రిచా ను అడుగుతున్నారట.
దానికి ఆమె సూటిగా సమాధానం చెప్పారు. అందరూ అనుకున్నట్టుగా ఇది పోర్న్ సినిమా కాదనీ, నటి జీవితంలో చీకటి వెలుగులను మాత్రమే చూపించ బోతున్నారని అంటోంది రిచా చద్దా. అలాగే ఈ సినిమా ఒప్పు కోవడానికి గల కారణాలను ఇలా వివరించారామె.
"షకీలా కథ విన్నప్పుడు ఆశ్చర్యంతో పాటు సంతోషం కూడా కలిగింది. ఇప్పుడు ఈ రంగంలో వినిపిస్తున్న వేధింపుల గురించి ఉద్యమం మొదలైంది కానీ, షకీలా 90 వ దశకం లోనే తనకెదురైన వేధింపులను ధైర్యంగా ఎదిరించారు. ఆవిడకి చాలా ధైర్యం. ఆవిడని అందరూ పోర్న్-స్టార్ అనుకుంటారు కానీ ఆవిడలో మంచి నటి దాగి ఉంది. ఆవిడ కథ విన్న తరువాత ఎలాగైనా ఈ సినిమా చేయాలనిపించింది. అందుకే ఒప్పుకున్నాను" అని చెప్పారు.
ఈ బయోపిక్ లో షకీలా జీవితం లోని అతి ముఖ్య ఘట్టాలు మాత్రమే చూపించబోతున్నారు. ఆమె అడల్ట్ సినిమా రంగం వైపు ఎలా వెళ్లారు? ఆ రంగంలో అంత పెద్ద స్టార్ గా ఎదగడానికి కారణమైన అంశాలేమిటి? అనేది ఇందులో చూపించబోతున్నారు.
