టాలీవుడ్ లో రాజమౌళి సినిమాలంటే ఎంత ప్రత్యేకమో కొత్తగా చెప్పాల్సిన అవసరం లేదు. ఆయన తీసే ప్రతి సినిమాలో ఏదో ఒక వైవిద్యం ఉంటుంది..కాస్త సమయం పట్టిన ప్రేక్షకులను మంత్ర ముగ్దులను చేసే సినిమాలే తీస్తుంటారు. స్టూడెంట్ నెం.1 సినిమాతో దర్శకులుగా తన ప్రస్థానం మొదలు పెట్టిన రాజమౌళి ఇండస్ట్రీలో టాప్ మోస్ట్ హిట్ సినిమాలే అందించారు. బాహుబలి, బాహుబలి 2 సినిమాలు ఏకంగా జాతీయ స్థాయిలో ఎంతో గుర్తింపు తెచ్చుకోవడమే కాదు ఎన్నో రికార్డులు క్రియేట్ చేసింది.
బాహుబలి 2 సినిమా తర్వాత చాలా గ్యాప్ తీసుకున్న రాజమౌళి మరో ప్రతిష్టాత్మక ప్రాజెక్ట్ కి శ్రీకారం చుట్టారు. యంగ్ టైగర్ ఎన్టీఆర్, మెగా పవర్ స్టార్ రాంచరణ్ లతో ఓ మల్టీస్టారర్ సినిమాలు తెరకెక్కిస్తున్నారు. ఈ సినిమా ముహూర్తం పూర్తి చేసుకొని షూటింగ్ కూడా మొదలు పెట్టారు. ‘ఆర్ ఆర్ ఆర్’(వర్కింగ్ టైటిల్) పై పలు ఆసక్తికర వార్తలు సోషల్ మీడియాలో చక్కర్లు కొడుతున్నాయి. ఈ సినిమాలో బాలీవుడ్ నటుడు అజయ్ దేవగాన్ నటిస్తున్నట్లు ఈ మద్య వార్తలు వచ్చాయి.
తాజాగా ఈ సినిమాలో మెయిన్ విలన్ గా కన్నడ రాకింగ్ స్టార్ యష్ నటించనున్నట్టుగా వార్తలు వస్తున్నాయి. ఈ సినిమాలోని విలన్ పాత్ర చాలా పవర్ ఫుల్ గా ఉండనుంది. అందువలన యంగ్ విలన్ గా యష్ ను తీసుకున్నట్టుగా ప్రచారం జరుగుతోంది. తాజాగా ఈ విషయంపై యష్ స్పందిస్తూ..రాజమౌళి ప్రాజెక్ట్ లో ఛాన్స్ రావడం అంటే ఎంతో సంతోషకరమైన విషయం అని..అయితే ఈ ప్రాజెక్ట్ నుంచి తనను ఎవరూ కలవలేదని అన్నారు.
ఎన్టీఆర్, రాంచరణ్ లాంటి మల్టీస్టారర్ సినిమాలో ఛాన్స్ వస్తే తప్పకుండా చేస్తానని తన మనసులో మాట చెప్పారు. ప్రస్తుతం యష్ నటించిన ‘కేజీఎఫ్’సినిమాకు సంబంధించిన తెలుగు ట్రైలర్ సోషల్ మీడియాలో దుమ్మురేపుతుంది. ఎంతో ప్రతిష్టాత్మకంగా తీస్తున్న ‘ఆర్ ఆర్ ఆర్’మూవీలో విలన్ ఎవరు అన్న విషయం ఇంకా సస్పెన్స్ గానే ఉంది. కాగా, ఈ సినిమాలో ఒక కథానాయిక మాత్రం కీర్తి సురేష్ ని తీసుకున్నట్లు ఫిలిమ్ వర్గాల టాక్.
