Rx100 కథానాయిక పాయల్ రాజ్ పుత్, ఆచి తూచి కథలను కాచి వడబోస్తోంది. ఆ మధ్య సి. కళ్యాణ్ నిర్మాతగా లేడీ ఓరియెంటెడ్ మూవీ ఒకటి చేస్తుందనే టాక్ వచ్చింది కాని అది ఇంకా కార్య రూపం దాల్చలేదు. అయితే విశ్వసనీయ సమాచారం మేరకు పాయల్ రాజ్ పుత్ 'ఎన్టీఆర్ కథానాయకుడు' లో ఒకస్పెషల్ క్యామియోకు సైన్ చేసినట్టు తెలిసింది. ఆ పాత్ర ఎవరిదో కాదు సహజనటి జయసుధ పాత్ర.
ఎన్టీఆర్-జయసుధ కాంబినేషన్ అనగానే వెంటనే గుర్తొచ్చే సినిమా డ్రైవర్ రాముడు. కె రాఘవేంద్రరావు దర్శకత్వంలో రూపొందిన ఆ సినిమా బ్లాక్-బస్టర్ గా నిలిచింది. యుగంధర్-అనురాగ దేవత-కేడి నెంబర్ వన్-లాయర్ విశ్వనాధ్-రామకృష్ణులు లాంటి ఎన్నో సూపర్ హిట్స్ వీరి కాంబో లో రిపీట్ అవ్వడమే కాదు మాస్ తో విజిల్స్ వేయించింది. ఎన్టీఆర్ రాజకీయాల్లోకి ప్రవేశించడానికి ముందు నటించిన ఆఖరి చిత్రం 'నా దేశం' లో కూడా జయసుధే హీరోయిన్. ఆయన రాజకీయ జీవితం తర్వాత రీ ఎంట్రీ ఇచ్చాక చేసిన 'శ్రీనాధ కవిసార్వభౌముడూ లో జయసుధ నటించారు.
పాయల్ రాజ్ పుత్ తో పాటు ఇతర హీరోయిన్లు ఎందరో క్యామియోల్లో నటిస్తున్న "ఎన్టీఆర్" తనకు మంచి గుర్తింపు తెస్తుందనే ధీమాతో ఉందీ భామ. జనవరి 9న విడుదల కాబోయే "కథానాయకుడు" లోనే పాయల్ పాత్ర ఉండబోతోంది. కీలకమైన సన్నివేశాలతో పాటు రెండు సాంగ్ బిట్స్ కూడా ఉంటాయని టాక్. మొత్తానికి పాయల్ మంచి ఛాన్సే కొట్టేసింది
