టాలీవుడ్ లో ఈ మద్య మాలీవుడ్, కోలీవుడ్ హీరోయిన్లు తెగ సందడి చేస్తున్నారు. తన క్యూట్ లుక్స్తో, న్యాచురల్ యాక్టింగ్తో తెలుగు ప్రేక్షకుల మనసు దోచింది నివేదా థామస్. జెంటిల్మెన్ సినిమాతో ఎంట్రీ ఇచ్చిన మలయాళ ముద్దు గుమ్మ.. నిన్నుకోరి, జై లవకుశలో నటించి మంచి గుర్తింపును తెచ్చుకున్నారు. అయితే ఆ మధ్య చదువు కోసం సినిమాలకు కాస్త గ్యాప్ ఇచ్చింది. ‘జై లవకుశ’ తర్వాత చాలా రోజులు గ్యాప్ తీసుకుని ఈ మధ్యే కళ్యాణ్ రామ్ గుహన్ సినిమా.. నిఖిల్ "శ్వాస" సినిమాలు ఒప్పుకుంది.
సినిమాలతో బిజీగా ఉంటూనే ఫ్యామిలీ టైమ్ కూడా బాగానే ఎంజాయ్ చేస్తుంది ఈ ముద్దుగుమ్మ. సోషల్ మీడియాలో యాక్టివ్గా ఉండే నివేదా.. తాజాగా ఓ వీడియోను పోస్ట్చేశారు. తనకు ఏమాత్రం సమయం దొరికినా తన కుటుంబంతో గడపడం అంటే చాలా ఇష్టం అనే నివేదా థామస్... తన సోదరులతో కలిసి ఎంజాయ్ చేస్తుంటుంది నివేదా.
తాజాగా తన సోదరులతో కలసి ఓ వివాహ వేడుకలో నివేదా ఈ డ్యాన్స్ చేసినట్టు తెలుస్తోంది. ఇప్పుడు సోషల్ మీడియాను కుదిపేస్తోంది. ప్రభుదేవా హీరోగా వచ్చిన గులేభకావలి సినిమాలోని సాంగ్కు స్టెప్పులేసింది నివేదా. ఆ డ్యాన్స్ వీడియోని తన ట్విట్టర్లో పోస్ట్ చేస్తూ .. ‘మీరు పార్టీని ఎలా ఎంజాయ్ చేస్తారు?.. మీ హీల్స్ను విసిరేయండి..వెళ్లి డ్యాన్స్చేయండి’ అనే కామెంట్ కూడా పెట్టింది . ప్రస్తుతం నివేదా వీడియో సోషల్ మీడియాలో వైరల్గా మారింది.