సంచలన దర్శకుడు తేజ దర్శకత్వంలో కళ్యాన్ రామ్ హీరోగా నటించిన ‘లక్ష్మీ కళ్యాణం’సినిమాలో హీరోయిన్ గా తెలుగు తెరకు పరిచయం అయ్యింది కాజల్. ఆ సినిమా తర్వాత యువహీరోలకు సరిజోడీగా ఉండటంతో వరుసగా ఛాన్స్ లు కొట్టేస్తూ నెంబర్ వన్ రేస్ లోకి వెళ్లింది. చిత్ర పరిశ్రమలోకి వచ్చి పదేళ్లు దాటినా ఇప్పటికీ కుర్ర హీరోయిన్లకు పోటీగా కాజల్ వరుసగా ఛాన్సులు కొట్టేస్తుంది. ఆ మద్య కెరీర్ లో కొన్ని ఇబ్బందులు వచ్చినా..ఆ తరువాత మళ్లీ పుంజుకుంది. వరుస అవకాశాలతో ఆమె దూసుకుపోతోంది.
అటు సీనియర్ హీరోల సరసన .. ఇటు యువ హీరోల జోడీగా ఆమె ప్రేక్షకులను మెప్పిస్తోంది. ప్రస్తుతం బెల్లంకొండ హీరోగా వస్తున్న ‘కవచం’సినిమాలో నటించింది కాజల్. ఈ సినిమా ప్రమోషన్ లో భాగంగా మీడియాతో మాట్లాడుతూ..ఈ సినిమాలో నా పాత్రకి చాలా ప్రాముఖ్యత వుంది .. అందువల్లనే చేయడానికి అంగీకరించాను.
నా పాత్రకి మంచి గుర్తింపు వస్తుందనే బలమైన నమ్మకం వుంది. ప్రస్తుతం నా కెరీర్ పీక్ లో ఉంది. గత ఏడాది నుంచి షూటింగ్ లతో చాలా బిజీగా ఉన్నాను. వచ్చే ఏడాది ఇంకా బిజీ. కమల్ హాసన్ గారితో భారతీయుడు సీక్వెల్ లో అవకాశం దొరకడం నా అదృష్టం. ఈ సినిమాలో నేను చాలా కొత్తగా కనిపించబోతున్నాను..ఇక సినిమాలతోనే నా జీవితం సాగిపోతోంది.
అందరూ నా పెళ్లి గురించి అడుగుతున్నారు .. నాకూ చేసుకోవాలనే వుంది .. అయితే చేతినిండా సినిమాలు వున్నాయి.. అందువలన పెళ్లి గురించి ఇప్పుడు ఆలోచించడం లేదు అని చెప్పుకొచ్చింది. కాజల్ తో వచ్చిన వారంతా పెళ్లి పీఠలు ఎక్కుతున్నారు..మరి ఈ అందాల భామ పెళ్లి వార్త ఎప్పుడు చెబుతుందో చూడాలి.
