శంకర్ దర్శకత్వంలో తెరకెక్కిన భారీ విజువల్ వండర్ 2.0 ఓపెనింగ్స్ లో కొంచెం తడబడినా వీకెండ్ కి వచ్చే సరికి మంచి కలెక్షన్స్ ను రాబడుతోంది. ఈ సినిమా రెండు సంవత్సరాల క్రితం ప్రారంభం అయినా..టెక్నికల్ ఇబ్బందుల వల్ల వాయిదా వేస్తూ వచ్చారు. అయితే క్వాలిటీ పరంగా ఎక్కడా రాజీ పడని స్టార్ డైరెక్టర్ శంకర్ ఈ సినిమా విజువల్ వండ‌ర్‌లా తెర‌కెక్కించారు. ఈ సినిమాకు రెహమాన్ సంగీతం మరో ప్లస్ పాయింట్ అయ్యింది..బ్యాగ్ గ్రౌండ్ మ్యూజిక్ కి ప్రతి ఒక్కరూ ఫిదా అయ్యారు.
తెలుగు,తమిళ భాషల్లోనే కాదు హిందీలోను ఈ సినిమా తన జోరును కొనసాగిస్తోంది. ఇక 2.0 ప్రపంచ వ్యాప్తంగా 5 రోజులకుగాను దేశవ్యాప్తంగా 337 కోట్లు అలాగే ఓవర్సీస్ లో 114కోట్లు కలుపుకొని ప్రపంచ వ్యాప్తంగా 451 కోట్ల గ్రాస్ వసూళ్లను రాబట్టింది. అలాగే ఓవర్శిస్ లో 105కోట్ల గ్రాస్ వసూళ్లను రాబట్టింది. ఈ సినిమా బాలీవుడ్ లో సెన్సేషన్ సృష్టిస్తుంది. కేవలం 6 రోజుల్లో అక్కడ 120 షేర్ ను రాబట్టి బాహుబలి కలెక్షన్స్ ను క్రాస్ చేసింది. ఇంతకుముందు బాహుబలి ఫుల్ రన్ లో అక్కడ 117 కోట్ల షేర్ ను రాబట్టింది. కాకపోతే 2.0 ఫుల్ రన్ లో బాహుబలి 2 హిందీ వర్షన్ కలెక్షన్స్ దాటడం అసాధ్యమే.ఎందుకంటె ఆ సినిమా ఏకంగా 511 కోట్ల షేర్ ను కలెక్ట్ చేసి ట్రెండ్ సెట్టర్ గా నిలిచింది.
కాకపోతే ఈ సినిమా తెలుగు రాష్ట్రాల్లో బాగానే రన్ అవుతున్నా..తమిళ నాట మాత్రం కాస్త వెనక్కి తగ్గినట్టు సమాచార. వాస్తవానికి రజినీకాంత్ సినిమాలంటే అక్కడ ఎంతగానో ఆదరిస్తారు..ఇక శంకర్ కాంబినేషన్ అంటే భారీ అంచనాలే నెలకొన్నాయి..కానీ ఆ అంచనాలు చేరుకోలేకపోతుందని అంటున్నారు. లైకా ప్రొడక్షన్స్ నిర్మించిన ఈ సినిమాకి ఎఆర్ రెహమాన్ సంగీతం అందించారు. రజినీకాంత్ సరసన అమీ జాక్సన్ హీరోయిన్ గా నటించింది. ఈ మద్య మురుగదాస్, విజయ్ కాంబినేషన్ లో వచ్చిన ‘సర్కార్’ రెండు వందల కోట్ల క్లబ్ లో చేరిన విషయం తెలిసిందే..గత కొంత కాలంగా రజినీ నటించిన సినిమాలు వరుసగా ఫెయిల్యూర్ టాక్ తెచ్చుకోవడంతో ఆ ఎఫెక్ట్ ‘2.0’మీద పడిందని అంటున్నారు సినీ విశ్లేషకులు.
