తమిళ సూపర్ స్టార్ రజినీకాంత్ అంటే తమిళనాట ప్రాణం ఇచ్చే అభిమానులు ఉన్నారు. ఈ సంవత్సరం స్టార్ డైరెక్టర్ శంకర్, రజినీకాంత్ కాంబినేషన్ లో వచ్చిన 2.0 మూవీ సూపర్ హిట్ అయ్యింది. ఇదే జోష్ తో ‘పెట్టా’సినిమాలో నటిస్తున్నారు. ఈ సినిమాకు సంబంధించి ఫస్ట్ లుక్,రెండు లిరిక్ సాంగ్ రిలీజ్ అయ్యాయి. నేడు రజినీకాంత్ పుట్టిన రోజు సందర్భంగా ‘పెట్టా’టీజర్ రిలీజ్ చేయబోతున్నారు. ఇక రజినీకాంత్ అల్లుడు ధనుష్ కూడా మాస్ హీరోగా మంచి గుర్తింపు పొందారు.
రజినీకాంత్ అల్లుడిగా తమిళ ఇండస్ట్రీకి పరిచయం అయిన ధనుష్ అతి తక్కువ కాలంలోనే తనకంటూ ప్రత్యేక గుర్తింపు తెచ్చుకున్నాడు ధనుష్. నటుడు, నిర్మాత, దర్శకుడు, సింగర్ ఇలా మల్టీ టాలెంట్తో ప్రేక్షకులని అలరిస్తున్నాడు. ప్రస్తుతం ధనుష్ నటిస్తున్న మారి 2 సినిమా ప్రమోషన్ బిజీలో ఉన్నారు. గతంలో ‘మారి’సినిమాతో మంచి క్రేజ్ సంపాదించిన ధనుష్ ఈ సినిమా సీక్వెల్ మారి 2 లో నటిస్తున్నారు. ఈ చిత్రం డిసెంబర్ 21న విడుదలకి సిద్ధమైంది. ఇటీవల చిత్ర తమిళ వర్షెన్ ట్రైలర్ విడుదల చేశారు.
ఇందులో ధనుష్ లుక్ అదిరిపోయింది. సన్నివేశాలు తమీళ తంబీలకి మంచి వినోదాన్ని అందించాయి. ధనుష్ తమిళంలో ఏ సినిమాలో నటించినా తెలుగు లో డబ్ అవుతున్న విషయం తెలిసిందే. ఈ నేపథ్యంలో తెలుగు వర్షెన్కి సంబంధించిన ట్రైలర్ రిలీజ్ చేశారు. ఇది అభిమానులని ఆకట్టుకునేలా ఉంది. సాయి పల్లవి కథానాయికగా నటిస్తున్న ఈ చిత్రంలో వరలక్ష్మీ శరత్ కుమార్ ప్రధాన పాత్రలో కనిపించనున్నారు.
బాలాజీ మోహన్ డైరెక్షన్లో ఈ చిత్రం తెరకెక్కింది.యువన్ శంకర్ రాజా సంగీతాన్ని అందించారు. . ఆయన సంగీతం ఈ సినిమాకి ప్రత్యేక ఆకర్షణగా నిలుస్తుందని చెబుతున్నారు. క్రిస్మస్ కానుకగా ఈ మూవీ విడుదల అవుతుంది.