సూపర్ స్టార్ రజినీకాంత్, స్టార్ డైరెక్టర్ శంకర్ కాంబినేషన్ లో వచ్చిన 2.0 మూవీ సూపర్ హిట్ అయిన విషయం తెలిసిందే. ఈ సినిమా రూ.800 కోట్లు పైగా వసూళ్లు చేసినట్లు సమాచారం. 2.0 సక్సెస్ ఎంజాయ్ చేస్తూనే ‘పెట్టా’సినిమాలో నటించారు రజినీకాంత్. వైవిద్యభరిత సినిమాలకు కేరాఫ్ అడ్రస్ అయిన కార్తి సుబ్బరాజ్ దర్శకత్వంలో పెట్టా సినిమాలో నటిస్తున్నారు రజినీకాంత్. ఈ సినిమాకు సంబంధించిన ఫస్ట్ లుక్ నుంచి ట్రైలర్ వరకు సోషల్ మీడియాలో దుమ్మురేపుతుంది.
ట్రైలర్ లో చూపించినట్లు రజినీకాంత్ రెండు భిన్నమైన పాత్రల్లో కనిపించబోతున్నారు. కాలేజ్ వార్డన్ గా కనిపిస్తూనే..మాఫియా డాన్ అవతారంలో రౌడీల దుమ్మురేపుతున్నారు. ఈ సినిమా తెలుగు, తమిళ భాషల్లో రిలీజ్ కాబోతుంది. తాజాగా తెలుగు వెర్షన్ సెన్సార్ కార్యక్రమాలను పూర్తిచేసుకున్న ఈ సినిమా, యు/ఎ సర్టిఫికేట్ ను సొంతం చేసుకుంది. అందుకు సంబంధించిన పోస్టర్ ను కూడా వదిలారు. ఇప్పటికే ఈ సినిమాకి సంబంధించి రజనీ లుక్ కి విపరీతమైన క్రేజ్ వచ్చింది. తమిళనాట అజిత్ సినిమా 'విశ్వాసం'తో పోటీపడటానికి రజనీ 'పేట' రంగంలోకి దిగిపోయింది. ఈ నెల 10వ తేదీన ఈ సినిమా అక్కడి థియేటర్లకు రానుంది.
అదే రోజున ఈ సినిమా తెలుగు ప్రేక్షకులను కూడా పలకరించనుంది. ఈ నేపథ్యంలో ఈ సినిమా టీమ్ తెలుగు వెర్షన్ కి సంబంధించిన ప్రీ రిలీజ్ ఈవెంట్ ను నిర్వహించడానికి ముహూర్తాన్ని ఖరారు చేసింది.రేపు (ఆదివారం) రాత్రి 7 గంటలకు హైదరాబాద్ - సైబర్ కన్వెన్షన్ లో ప్రీ రిలీజ్ ఈవెంట్ జరగనుంది. అందుకు సంబంధించిన పోస్టర్ ను కూడా విడుదల చేశారు. పలువురు సినీప్రముఖులు ఈ వేడుకకి హాజరు కానున్నారు.
ఈ సంక్రాంతి బరిలో ఎన్టీఆర్ బయోపిక్, వినయ విధేయ రామ, ఎఫ్ 2 మూవీలు థియేటర్లలో సందడి చేయబోతున్నాయి. తెలుగులో గట్టిపోటీ ఉన్నప్పటికీ, 'పేట' వెనకడుగు వేయకుండా వచ్చేస్తోంది. వాజుద్దీన్ సిద్ధిఖీ .. విజయ్ సేతుపతి .. బాబీ సింహా పాత్రలు ఈ సినిమాపై మరింతగా అంచనాలు పెంచుతున్నాయి.
