ఎన్టీఆర్ అంటేనే సంచలనం. మరి ఆయన పేరు మీద సినిమా తీస్తే అది సెన్సేషన్ కాకుండా ఉంటుందా. ఈ రోజు విడుదలైన అన్న గారి బొమ్మకు జనం నీరాజనం పడుతున్నారు. ఎన్టీఆర్ మూవీకి తొలి ఆట నుంచే పాజిటివ్ టాక్ రావడం విశేషం. అన్న గారి పాత్రలో తనయుడు బాలయ్య ఒదిగిపోయారని అంటున్నారు. ఈ మూవీలో ఎన్టీఆర్ సతీమణి బసవరామ తారకంగా విద్యాబాలన్ నటన ప్రశన్సనీయంగా ఉందని టాక్.
ఎన్నాళ్ళుగానే అభిమానులు ఎదురుచూస్తున్న అన్న గారి నిజ జీవిత కధతో తీసిన ఎన్టీఆర్ మూవీకి హిట్ టాక్ వచ్చింది. దేశంలోనూ, విదేశంలోనూ కూడా ఈ మూవీకి మంచి రెస్పాన్స్ రావడం చిత్ర విజయాన్ని చెప్పకనే చెబుతోంది. ఈ మూవీలో అన్న గారి పాత్రలో బాలయ్య ఒదిగిపోయాడని రివ్యూస్ చెబుతున్నాయి. ముఖ్యంగా రావణబ్రహ్మ, వెంకటేశ్వర స్వామి, దుర్యోధన పాత్రల్లోనూ బాలయ్య అదరగొట్టారంటున్నారు.
ఇక భార్యభర్తల బంధం గురించి ఈ మూవీ చాటి చెప్పిందని కూడా అంటున్నారు. ఎన్టీఆర్ వెండి తెర వేలుపుగా ఎలా మారారన్నది ఈ మూవీని చూస్తే అర్ధం అవుతుంది. ఆయన ఎంతగానే పరిశ్రమించి సూపర్ స్టార్ డం తెచ్చుకున్నారన్నది ఈ మూవీలో తెలుస్తోంది ఇక ఈ మూవీలో ఎన్టీఆర్ సినిమాల్లో పెట్టిన పాటలు, సీన్లు కొంత కధకు అడ్డం పడినట్లు అనిపించినా మొత్తానికి చూసుకుంటే సినిమా మాత్రం బాగుందన్న హిట్ టాక్ సొంతం చేస్తుకుంది. సంక్రాంతి హీరో బాలయ్య తన సెంటిమెంట్ మరో మారు నిలబెట్టుకున్నారని చెబుతున్నారు.
