చిట్టినడుము ఇలియానా ఒకప్పుడు తెలుగు ఇండస్ట్రీని ఊపేసింది. కోటి పారితోషకం అందుకున్న తారగా గుర్తింపు పొందింది. ఇప్పుడు కాస్త సినిమాలు తగ్గినా... మళ్లీ అమర్ అక్బర్ ఆంటోనీతో రీ ఎంట్రీ ఇచ్చింది ఇల్లీ డియార్. పాపం ఆ సినిమా ఫ్లాప్ కావడంతో కాస్త వెలుగు తగ్గింది.
అయితే సినిమాలు తగ్గినా ఇలియానా క్రేజ్ మాత్రం తగ్గలేదనే చెప్పాలి. కొత్తగా ఇండస్ట్రీలో హిట్ కొట్టిన ఓ కుర్ర హీరో తాను ఇలియానా అంటే పడి చచ్చిపోతానంటున్నాడు. సాధారణంగా ఇంతవరకూ చెప్పడమే ఓ సాహసం. కానీ ఈ కుర్రాడు ఇంకా రెచ్చిపోతున్నాడు.
తనకు ఇలియానాను ముద్దు పెట్టుకోవాలని ఉందని పబ్లిగ్గా చెప్పేస్తున్నాడు. అందులోనూ అలాంటి ఇలాంటి ముద్దు కాదట. ఏకంగా లిప్ లాక్ కిస్ కావాలట. ఎందుకంటే.. తాను చిన్నప్పటి నుంచి ఇలియానాను ఆరాధిస్తున్నాడట.
ఇంతకీ ఆ కుర్రాడు ఎవరో చెప్పలేదు కదా.. అతడే ఆర్‌ ఎక్స్ 100 హీరో కార్తికేయ. ఈ కుర్రాడు ఇప్పటికే ఆర్‌ఎక్స్ 100లో హీరోయిన్ రాజ్‌పుత్‌ తో లిప్ లాక్‌లు లాగేశాడు. పాపం. ఆ రుచి ఇంకా పెదాలపై నుంచే వెళ్లడం లేదేమో ఇప్పుడు ఇలియానా ముద్దు కావాలంటున్నాడు. మరి ఇలియానా చెవిలో ఈ మాట పడుతుందా.. ఆ చిట్టినడుము సుందరి కరుణిస్తుందా..?
