ఈ మద్య బాలీవుడ్ లో స్టార్ హీరోల చిత్రాల కన్నా చిన్న హీరోల చిత్రాలు మంచి విజయాన్ని అందుకొని ఐభై కోట్ల వసూళ్లు చేస్తున్నాయి. తాజాగా ల‌క్ష్మ‌ణ్ ఉతేక‌ర్ ద‌ర్శ‌క‌త్వంలో కార్తిక్ ఆర్య‌న్‌, కృతి స‌న‌న్ జంట‌గా న‌టిస్తున్న చిత్రం ‘లుకా చుప్పి’. ఈ చిత్రంలో పెద్ద స్టార్ ఎవరూ లేరు..కాకపోతే హీరోయిన్ కి కాస్త పాపులారిటీ ఉంది. గతంలో సుకుమార్, మహేష్ బాబు కాంబినేషన్ లో వచ్చిన నేనొక్కడినే చిత్రంలో ఈ అమ్మడు నటించింది.
మార్చి 1న ప్రేక్ష‌కుల ముందుకు రానున్న ఈ చిత్ర ట్రైలర్ తాజాగా విడుద‌లైంది. ఇక చిత్రం విషయానికి వస్తే ఓ మంచి కుటుంబంలో ఓ జంట సహజీవనం చేస్తుంటారు..ఆ సమయంలో జరిగే పరిణామాలు ఎలా ఉంటాయన్న విషయం చాలా ఫన్నీగా తెరకెక్కించారు. లుకా చుప్పి అంటే తెలుగులో దాగుడు మూత‌లు అని అర్ధం.
ఇంట్లో వారికి తెలియ‌కుండా సహజీవనం చేస్తున్న జంట భార్య భ‌ర్త‌ల‌లా జీవిస్తుంటారు. ఈ విషయం కుటుంబ స‌భ్యుల‌కి తెలిడంతో వారు కూడా వీరితో క‌లిసి ఉండ‌టానికి వ‌స్తారు. ట్రైల‌ర్‌లో కృతి, కార్తీక్‌ల మధ్య కెమిస్ట్రీ చాలా బాగుంది. స‌న్నివేశాలు చాలా ఫన్నీగా ఉన్నాయి. మ్యాడాక్‌ ఫిలింస్‌ బ్యానర్‌పై దినేశ్ విజన్‌ నిర్మాతగా వ్యవహరిస్తున్నారు.
