దేశంలో ఎక్కడ చూసినా లంచావతారులే కనిపిస్తున్నారు. ముఖ్యంగా ప్రభుత్వ పరిధిలో ఏ పనిజరగాలన్నా లంచం ఇవ్వాల్సిందే. అలా లంచం తీసుకునే వారిని చంపి లంచం తీసుకోవడం ఎంత నేరమో..లంచం ఇవ్వడం అంతే నేరం అని చేప్పే సినిమా ‘భారతీయుడు’. ఈ సినిమాలో విశ్వనటుడు కమల్ హాసన్ రెండు విభిన్నమైన పాత్రల్లో కనిపిస్తాడు. వృద్దుడిగా..యువకుడిగా కమల్ హాసన్ నటనకు ప్రశంసల జల్లు కురిపించారు అభిమానులు. చాలా కాలం తర్వాత డైరెక్టర్ శంకర్, కమల్ హాసన్ కాంబినేషన్ లో భారతీయుడు 2 సినిమా తీస్తున్న విషయం తెలిసిందే.
ఈ సినిమా షూటింగ్ కూడా ప్రారంభం అయ్యింది..ఫస్ట్ లుక్ రిలీజ్ చేశారు. తాజాగా ఈ సినిమా షూటింగ్ ఆగిపోయిందని వార్తలు సోషల్ మీడియాలో చక్కర్లు కొడుతున్న విషయం తెలిసిందే. తాజాగా దీనిపై స్పందించిన హీరో కమల్ హాసన్ 'భారతీయుడు 2' షూటింగు ఆగిపోయిందనే వార్తలో ఎంతమాత్రం నిజం లేదు. పక్కా ప్లానింగ్ తో ఈ సినిమా షూటింగ్ కొనసాగుతోంది.
గత సినిమా కన్నా ఈ సినిమా ఇంకా పవర్ ఫుల్ గా ఉంటుందని..నేటి సమాజంలో జరుగుతున్న అన్యాయాలపై వృద్ధుడి చేసే పోరాటాన్ని చూపించబోతున్నామని అన్నారు. ఈ సినిమాలో నేను చేస్తోన్న వృద్ధుడి పాత్రకి సంబంధించిన మేకప్ చక్కగా కుదిరింది .. ఈ విషయంలో శంకర్ పూర్తి క్లారిటీతో వున్నాడు. అవుట్ పుట్ అనుకున్నట్టుగా వస్తోంది అంటూ స్పష్టం చేశారు. కమల్ హాసన్ సరసన మొదటి సారిగా కాజల్ నటిస్తుంది.