టాలీవుడ్ లో నందమూరి బాలకృష్ణ ఒక సంచలన నటుడు అని అంటారు. ఆయన నటించిన సినిమాలే కాదు..బయట ఆయన వ్యవహార శైలి కూడా కాస్త కాంట్రవర్సీగానే ఉంటుంది. గత కొంత కాలంగా ఫ్యాన్స్ పై దాడులు చేయడం..తిట్టడం లాంటివి చేయడంతో సోషల్ మీడియాలో హాట్ టాపిక్ గా మారింది. క్రిష్, బాలకృష్ణ కాంబినేషన్ లో ఎన్నో అంచనాల మద్య ఎన్టీఆర్ బయోపిక్ నుంచి ఎన్టీఆర్ కథానాయకుడు, మహానాయకుడు సినిమాలు రిలీజ్ అయ్యాయి. కానీ అవి ఆశించిన ఫలితాలు మాత్రం ఇవ్వలేక పోయాయి.
ఇక మహానాయకుడు సినిమా పరిస్థితి అయితే మరీ దారుణం. తాజాగా నందమూరి కళ్యాణ్ రామ్, నివేదా థామస్, షాలిని పాండే ప్రధాన పాత్రలలో గుహన్ తెరకెక్కించిన మూవీ 118. ఈ సినిమా ప్రీ రిలీజ్ వేడుక నిన్న సాయంత్రం హైదరాబాద్లో ఘనంగా జరిగింది. ఈ కార్యక్రమానికి నందమూరి బాలకృష్ణ, జూనియర్ ఎన్టీఆర్ ముఖ్య అతిధులుగా హాజరయ్యారు. ఈ సినిమా గురించిన విశేషాలు బాలకృష్ణ మాట్లాడుతూ..సినిమా పేరు తప్పు చెప్పి నాలుక కర్చుకున్నారు.
బ్యాక్ గ్రౌండ్లో సినిమా టైటిల్ 118 అని చాలా పెద్దగా రాసి ఉన్నప్పటికి అది గమనించని బాలయ్య 189 సినిమా అంటూ తన స్పీచ్ కొనసాగించాడు. మరోవైపు కళ్యాణ్ రామ్ ,ఎన్టీఆర్లు కూడా వెనుకనుండి బాలకృష్ణకి సినిమా పేరు 118 అని చెబుతున్నప్పటికి ఆయన అలానే 189 సినిమా అంటూ పలుమార్లు అన్నాడు. ఇది చూస్తున్న ఆడియోన్స్ బాలయ్య ఇక నువు మారవయ్య అని అనుకున్నారు. ఈ మధ్య కాలంలో బాలకృష్ణ తన ప్రసంగాల ద్వారా అనే విమర్శలు ఎదుర్కొంటున్న సంగతి తెలిసిందే. ముఖ్యంగా ఎన్నికల ప్రచార సమయంలో బాలయ్య అనేక సందర్బాలలో విమర్శల పాలయ్యాడు.