టాలీవుడ్ లో సూపర్ స్టార్ మహేష్ బాబు ‘శ్రీమంతుడు’సినిమా తర్వాత వరుస ఫ్లాపులతో సతమతమయ్యారు. శ్రీమంతుడు లాంటి బ్లాక్ బస్టర్ విజయాన్ని అందించిన దర్శకుడు కొరటాల దర్శకత్వంలో ‘భరత్ అనే నేను’తో మరో ఘన విజయం అందుకున్నాడు. ప్రస్తుతం మహేష్ బాబు దర్శక,నిర్మాత వంశి పైడిపల్లి దర్శకత్వంలో ‘మహర్షి’సినిమాలో నటిస్తున్నారు. ఈ సినిమాకు సంబంధించిన పోస్టర్లు సోషల్ మీడియాలో హల్ చల్ చేస్తున్నాయి. ఓ సంపన్న కుటుంబానికి చెందిన యువకుడు భారత దేశం వచ్చి చిన్న పల్లెటూరిలో తన జీవితాన్ని ఎలా గడిపాడు..గ్రామస్తుల్లో ఎలాంటి చైతన్యం తీసుకు వచ్చాడన్నదే సినిమా కాన్సెప్ట్ అంటున్నారు.
మహేష్ బాబు సరసన పూజా హెగ్డే నటిస్తుంది. మహేష్ స్నేహితుడిగా అల్లరి నరేష్ నటిస్తున్నాడు. వాస్తవానికి ఈ సినిమా మే నెలలో రిలీజ్ చేయాలనే ఆలోచనలో ఉన్నారట..కానీ ముందుగా చెప్పినట్టుగా ఏప్రిల్ 25వ తేదీనే విడుదల చేయాలని మహేశ్ బాబు పట్టుబట్టడంతో, దిల్ రాజు అదే తేదీని ఖరారు చేస్తూ ప్రకటన కూడా చేసేశారు.
దానికి కారణం మహేష్ బాబు నటించిన సినిమాలు మే నెలలో రిలీజ్ అయితే ఫ్లాప్ టాక్ వస్తున్నాయట..గతంలో 'పోకిరి' .. 'భరత్ అనే నేను' ఏప్రిల్ లో రిలీజ్ అయి సూపర్ హిట్ అయిన విషయం తెలిసిందే. దాంతో అదే సెంటిమెంట్ కంటిన్యూ చేస్తూ ‘మహర్షి’సినిమా కూడా ఏప్రిల్ లో రిలీజ్ చేయాలని కోరడంతో దిల్ రాజు అదే తేదీని ఖరారు చేస్తూ ప్రకటన చేసినట్లు సమాచారం. దాంతో ఆ తేదీని దృష్టిలో పెట్టుకుని అంతా ఉరుకులు పరుగులు పెడుతున్నారని చెప్పుకుంటున్నారు.
