టాలీవుడ్ లో దేశముదురు సినిమాతో హీరోయిన్ గా పరిచయం అయిన హన్సిక ప్రస్తుతం కోలీవుడ్ లో స్టార్ హీరోయిన్ గా కొనసాగుతుంది. బాలీవుడ్ లో బాలనటిగా కెరీర్ ప్రారంభించి పూరి జగన్నాధ్ దర్శకత్వంలో అల్లు అర్జున్ నటించిన దేశముదురు సినిమాలో హీరోయిన్ గా పరిచయం అయ్యింది. ఆ తర్వాత తెలుగులో పలు సినిమాల్లో నటించింది. ప్రస్తుతం హన్సిక నటిస్తోన్న లేడీ ఓరియెంటెడ్ సినిమా 'మహా'కి మొదటి నుండి ఎన్నో అడ్డంకులు ఎదురువువుతున్నాయి.
ఈ సినిమా టైటిల్ పోస్టర్ రిలీజ్ చేసినప్పటి నుంచి తమ మనోభావాలు దెబ్బ తినే విధంగా కొంత మంది అభ్యంతరాలు తెలుపుతూ వస్తున్నారు. పోస్టర్ లో సన్యాసిని దుస్తులు ధరించి, గంజాయి తాగుతూ కనిపించింది హన్సిక. రక్తంతో నిండి ఉన్న బాత్ టబ్ లో స్నానం చేస్తూ కనిపించింది. హిందూ మతాన్ని, మహిళా సన్యాసులను కించపరిచే విధంగా ఈ పోస్టర్లు ఉన్నాయని ఇవి తమ మనోభావాలు దెబ్బ తీసే విధంగా ఉన్నాయని.. నటి హన్సికపై అలానే చిత్రదర్శకుడు యూఆర్ జమీల్ పై కేసులు నమోదు చేశారు.
ఈ విషయంలో హన్సిక, డైరెక్టర్ పై వెంటనే చర్యలు తీసుకోవాలని కమిషనర్ కార్యాలయంలో హిందూ మక్కల్మున్నని నేత ఫిర్యాదు చేసినప్పటికీ ఫలితం లేకపోవడంతో ఆయన మద్రాస్ హైకోర్టులో పిటిషన్ దాఖలు చేశారు. అయితే పిటీషన్ ని విచారించిన న్యాయస్థానం 'మహా' పోస్టర్లపై ఇచ్చిన ఫిర్యాదుకి సంబంధించి ఎటువంటి చర్యలు తీసుకున్నారో.. రెండు వారాల్లో కోర్టుకి తెలియజేయాలంటూ నగర కమిషనర్ కి ఉత్తర్వులు జారీ చేసింది. దాంతో ఈ సినిమా షూటింగ్ ముగించుకొని ప్రేక్షకుల ముందుకు రావడానికి చాలా ఆలస్యం అవుతుందని టాలీవుడ్ వర్గాలు చెప్పకుంటున్నారు.
