తమిళ సూపర్ స్టార్ అజిత్ కుమార్ నటించిన మూవీ విశ్వాసం తెలుగు, తమిళ భాషల్లో రిలీజ్ అయిన విషయం తెలిసిందే. అయితే తమిళంలో ఈ సినిమా సూపర్ స్టార్ రజినీకాంత్ నటించిన పెట్టా సినిమాతో రోజునే రిలీజ్ అయ్యింది. రిలీజ్ అయిన అన్ని సెంటర్లలో హిట్ టాక్ తెచ్చుకోవడంతో బాక్సాఫీస్ వ‌ద్ద క‌లెక్ష‌న్ల వ‌ర్షం కురిపిస్తుంది. తాజాగా ఈ చిత్రం 200 కోట్ల క్ల‌బ్‌లోకి ఎంట‌రైంద‌ని తెలుస్తుంది. తమిళనాట ఈ సినిమా రూ.139 కోట్ల రూపాయలు కలెక్షన్స్ రాబ‌ట్టింది.
కోలీవుడ్‌లో జ‌న‌వ‌రి 11న విడుద‌లైన ఈ మూవీ ఇటీవ‌ల 50 రోజులు పూర్తి చేసుకుంది. అజిత్ అభిమానులు 50డేస్ సెల‌బ్రేష‌న్స్‌ని పండుగ‌లా జ‌రుపుకున్నారు. ఈ సినిమా హిట్ టాక్ తెచ్చుకోవడంతో తెలుగు, క‌న్న‌డ భాష‌ల‌లోను డ‌బ్బింగ్ వ‌ర్షెన్ విడుదల కాగా, అక్క‌డ కూడా ఈ మూవీ పాజిటివ్ టాక్‌తో దూసుకెళుతుంది. అజిత్ నటించిన వేదలం సినిమా హిట్ అయినప్పటి నుంచి వరుస విజయాలు అందుకుంటున్నాడు.
ఈ మూవీలో న‌య‌న‌తార క‌థ‌నాయిక‌గా న‌టించ‌గా, జ‌గ‌ప‌తి బాబు ముఖ్య పాత్ర పోషించాడు. గ్రామీణ ప్రాంత నేపథ్యంలో సాగిన ఈ సినిమాలో అజిత్ రెండు విభిన్న పాత్రల్లో నటించారు. ప్రస్తుతం బోని క‌పూర్ నిర్మాణంలో అజిత్ ‘పింక్’ రిమేక్ సినిమాలో నటిస్తున్నారు.
ఈ సినిమాకు సంబంధించిన ఫస్ట్ లుక్ కూడా రిలీజ్ అయ్యింది. ఖాకీ ఫేం హెచ్ వినోథ్ ద‌ర్శ‌క‌త్వంలో రూపొందుతున్న ఈ మూవీకి నెర్కొండ పార్వీ అనే టైటిల్ ఫిక్స్ చేశారు. శ్ర‌ద్ధా శ్రీనాథ్‌, అభిరామి వెంక‌టచ‌లం, ఆండ్రియా తరియంగ్‌లు సినిమాలో ముఖ్య పాత్ర‌లు పోషిస్తున్నారు.
