చిరంజీవి కోడలుగా రామ్ చరణ్ భార్యగా సమాజంలో ఒక ఉన్నత స్థానంలో కొనసాగుతున్న ఉపాసన తనకంటూ ఒక ప్రత్యేకమైన ఇమేజ్ ని ఏర్పరుచుకోవాలని నిరంతరం తపిస్తూనే ఉంటుంది. అపోలో హాస్పటల్ నిర్వహణలో ప్రత్యేక బాధ్యతలు నిర్వహిస్తూ మరొక వైపు సామాజిక కార్యక్రమాలలో తనదైన రీతిలో రాణిస్తున్న ఉపాసన వ్యక్తిత్వం పై ఆమె అమ్మమ్మ నాయనమ్మల ప్రభావం ఎక్కువ.
తాను ఇప్పటికీ ప్రతాప్ సి. రెడ్డి మనవరాలిని అని చెప్పుకోవడంలో తనకెంతో ఆనందం ఉంది అని చెపుతున్న ఉపాసన తనను తన అత్తవారి ఇంటిలో ఒక మహారాణిగా చూస్తారు అన్న విషయం బయటపెట్టింది. ఇదే సందర్భంలో తన మావగారు చిరంజీవి తనను అనునిత్యం ప్రోత్సహిస్తూ ఉంటారనీ తాను సాధించే విజయాలను చూసి చిరంజీవి తన తల్లితండ్రుల కంటే ఎక్కువ ఆనందపడతారు అన్న విషయాన్ని వివరించింది.
ఇదే సందర్భంలో ఆమె చిరంజీవి గురించి మాట్లాడుతూ మహిళల పట్ల చిరంజీవి ఎంతో మర్యాదగా ఉంటారని కుటుంబం కోసం నిత్యం శ్రమించే మహిళలు అంటే చిరంజీవికి అపారమైన గౌరవం అంటూ వారిని నిరంతరం చిరంజీవి ప్రోత్సహిస్తారు అంటూ ఆసక్తికర కామెంట్స్ చేసింది. ఇక చిన్నప్పటి నుంచి జంతువులు అంటే తనకు ఉన్న ఇష్టం చిరంజీవి గ్రహించడంతో తన ఆనందం కోసం చిరంజీవి తన ఫామ్ హౌస్ లో గుర్రాలు ఆవులు మేకలు గాడిదలు కుక్కలుతో పాటు రకరకాల పక్షులను పెంచే తన హాబీని చిరంజీవి కనీసం ఎప్పుడు ప్రశ్నించకుండా మరింతగా తనను ప్రోత్సహించే చిరంజీవిలో తన అమ్మ నాన్నలు కనిపిస్తారు అంటూ చిరంజీవి వ్యక్తిత్వం పై ఆసక్తికర కామెంట్స్ చేసింది ఉపాసన.
ఇక తన భర్త రామ్ చరణ్ గురించి మాట్లాడుతూ తామిద్దరం పెళ్ళి అన్నది ఒక బాధ్యత అని భావిస్తాము అంటూ తమ ఇద్దరి మధ్య పరిస్తుతులను బట్టి ప్రేమ పెరగవచ్చు లేక తరగ వచ్చు కానీ సహనంతో ‘ఒక బాధ్యతగా వివాహ వ్యవస్థ గురించి ఆలోచనలు చేసినప్పుడు మాత్రమే భార్య భర్తల మధ్య అనుబంధం కలకాలం’ ఉంటుంది అని అభిప్రాయపడుతోంది ఉపాసన. పౌరాణిక ఆధ్యాత్మిక గ్రంధాలు ఉపన్యాసాలు వినడం తనకు ఇష్టం అని చెపుతున్న ఉపాసన చరణ్ లోని దయా గుణం ఇతరులను ప్రేమించే వ్యక్తిత్వం తనకు ఎంతో ఇష్టం అని అంటోంది ఉపాసన..