టాలీవుడ్ లో మోస్ట్ బ్యూటీఫుల్ కపుల్ గా పేరు తెచ్చుకున్నారు నాగ చైతన్య, సమంత. ‘ఏం మాయ చేసావే’సినిమాతో వీరి మద్య పరిచయం ఏర్పడి తర్వాత ఆటోనగర్ సూర్య, మనం సినిమాల తర్వాత పెద్దలను ఒప్పించి పెళ్లి చేసుకున్నారు. వివాహం అనంతరం సమంతు పలు సినిమాల్లో నటించి మంచి విజయాలతో దూసుకు వెళ్తుంది. ఇక నాగ చైతన్య మాత్రం వరుస పరాజయాలతో సతమతమవుతున్నాడు. తాజాగా ఈ జంట పెళ్లైన తర్వాత కలిసి నటిస్తున్న సినిమా ‘మజిలీ’. శివ నిర్వాణ దర్శకత్వంలో 'మజిలీ' సినిమా నిర్మితమైంది.
ఈ సినిమాలో ఫ్యామిలీ ఎమోషన్స్, లవ్, ఆశయం, ఆవేశం అన్ని ఎలిమెంట్స్ ఉన్నాయని దర్శకులు అంటున్నారు. సమంత - చైతూ ఈ కథలోను భార్యాభర్తలుగా కనిపించనుండటం విశేషం. గోపిసుందర్ అందించిన సంగీతం ఈ సినిమాకి ప్రత్యేక ఆకర్షణగా నిలుస్తుందని అంటున్నారు. తాజాగా ఈ సినిమా నుంచి 'ప్రియతమా .. ప్రియతమా .. పలికింది హృదయమే' అనే రెండవ సాంగ్ ను విడుదల చేశారు.
సమంత పాయింట్ అఫ్ వ్యూలో సాంగ్ ఉంది. చిన్న చిన్న పదాలతో తన మనసులోని భావాలను స్పష్టంగా చెప్తున్నట్టు తెలుస్తోంది. ఈ పాటకు సంబంధించి గ్రాఫిక్స్ కూడా చాలా అద్భుతంగా ఆకర్షిస్తున్నాయి. ఇప్పటికే సినిమాకు పాజిటివ్ బజ్ క్రియేట్ అయింది. మజిలీ సినిమా ఏప్రిల్ 5 వ తేదీన భారీ ఎత్తున రిలీజ్ కాబోతున్నది. సినిమా ఎలా ఉంటుందో తెలియాలంటే రిలీజ్ వరకు ఆగాల్సిందే.
