ఈ మద్య భారత దేశంలో ఎక్కడ చూసినా మహిళలపై లైంగిక వేధింపులు ఎక్కువ అవుతున్నాయి. సామాన్యులకే కాదు సెలబ్రెటీలు సైతం ఈ బాధ అనుభవిస్తున్నారు. ఇటీవల మీటూ ఉద్యమం నేపథ్యంలో బాలీవుడ్ నటి తనూ శ్రీ దత్తా గతంలో తనపై సీనియర్ నటులు నానా పటేకర్ లైంగిక వేధింపులకు పాల్పపడ్డారని ఆరోపించించింది. దాంతో బాలీవుడ్ ఒక్కసారే ఉలిక్కి పడింది. ఆ తర్వాత కంగనా రౌనత్ మరికొంత మంది నటీమణులు కూడా తమపై లైంగిక వేధింపులు జరిగాయని ఆరోపించిన విషయం తెలిసిందే.
దక్షిణాదిన సింగర్ చిన్మయి ప్రముఖ సినీ రచయిత వైర ముత్తు తనపై లైంగిక వేధింపులకు పాల్పపడ్డారని ఫిర్యాదు చేసింది. తాజాగా మరో నటి ఓ నటుడు తనకు సహాయం అందించి ఇప్పుడు లైంగిక వేధింపులకు గురి చేస్తున్నాడని పోలీసులకు ఫిర్యాదు చేసింది. వివరాల్లోకి వెళితే.. గతంలో హనుమాన్ జంక్షన్ మూవీలో అర్జున్, జగపతి బాబు లకు చెల్లెలిగా నటించిన కన్నడ నటి విజయలక్ష్మి ఇటీవలే అనారోగ్యంతో ఆసుపత్రిలో చేరింది.
ప్రస్తుతం తన వద్ద డబ్బులు లేవని ఆనారోగ్యంతో ఉన్న తనకు ఆర్థిక సహాయం అందించాలని పలువురిని సినీ పెద్దలను కోరింది. దాంతో చాలా మంది సినీ ప్రముఖులు ఆమెకు ఆర్థిక సహాయం అందించడానికి ముందుకు వచ్చారు. ఈ నేపథ్యంలో రవిప్రకాష్ అనే నటుడు ఆమెకు ఆర్థిక సహాయం చేశాడు. కానీ ఆమె ఆసుపత్రిలో ఉండగానే ఆమెపై లైంగిక వేధింపులకు దిగినట్లు ఆమె ఆవేదన వ్యక్తం చేసింది.
నాకు లక్ష రూపాయల ఆర్ధిక సహాయం అందించాడు రవిప్రకాష్ అయితే దాన్ని అలుసుగా తీసుకొని లైంగికంగా నన్ను వేధిస్తున్నాడు పోలీసులకు ఫిర్యాదు చేసింది. మరోవైపు రవిప్రకాశ్ మాత్రం తాను కేవలం ఆమె ఆరోగ్య పరిస్థితి గురించి వాకాబు చేయడానికే వెళ్లానని అంటున్నారు. మరి పోలీసులు ఈ కేసు విషయంలో ఎలాంటి చర్యలు తీసుకుంటారో చూడాలి.
