విజయ్ దేవరకొండ సారీ చెప్పాడు.. ఔను.. అయితే అది తన కోసం కాదు.. తాను చేసిన తప్పు కోసం కాదు.. తన అభిమానుల కోసం.. ఇటీవల విజయ్ దేవరకొండ రౌడీ అంటూ ఓ బ్రాండ్ క్రియేట్ చేసుకున్న సంగతి తెలిసిందే..అది ఆయన ఫ్యాన్స్ ను బాగా ఆకట్టుకుంది.
అందుకే విజయ్ దేవరకొండ ఎక్కడ కనిపించినా రౌడీ రౌడీ అంటూ రచ్చ చేస్తున్నారు. ఆయన కూడా దాన్ని ఎంకరేజ్ చేస్తున్నారు. అయితే కొందరు ఫ్యాన్స్ ఈ విషయంలో శ్రుతి మించుతున్నారట. రౌడీ నినాదానికి బాగా ఎట్రాక్టయ్యారట.
చివరకు టూ వీలర్స్ నెంబర్ ప్లేట్లపై నెంబర్లు తీయించేసి రౌడీ అని రాసుకుని తిరుగుతున్నారట. ఈ విషయం హైదరాబాద్ ట్రాఫిక్ పోలీసులు వెల్లడించారు. ఈ విషయం తెలుసుకున్న విజయ్ దేవరకొండ అభిమానులను సున్నితంగా మందలించారు.
రూల్స్ అందరూ పాటించాలని అభిమానులకు సూచించాడు. అదే సమయంలో అలాంటి కుర్రాళ్ల తరపున తాను హైదరాబాద్ పోలీసులకు సారీ చెప్పాడు. మరి ఇకనైనా విజయ్ దేవరకొండ ఫ్యాన్స్ ఈ స్ఫూర్తిని అర్థం చేసుకుని..కాస్త బుద్దిగా ఉంటారా.. చూడాలి మరి.
