ప్రస్తుతం టాలీవుడ్ లో మెగాబ్రదర్ నాగబాబు తనయ కొణిదెల నిహారిక హీరోయిన్ తన హవా కొనసాగిస్తుంది. మెగా ఫ్యామిలీ నుంచి ఇప్పటి వరకు ఎంతో మంది హీరోలు వచ్చినా..మొదటి సారిగా ఆ కుటుంబం నుంచి హీరోయిన్ నిహారిక అనే చెప్పాలి. మొదట టెలివిజన్ రంగంలోకి అడుగు పెట్టిన నిహారిక ఢీ రియాల్టీ షోలో తనదైనా మార్క్ చాటుకుంది. తెలుగు ప్రేక్షకుల అభిమాన సంపాదించిన ఆమె కొన్ని షార్ట్ ఫిలిమ్స్ లో కూడా నటించింది. ఆ తర్వాత నాగశౌర్ హీరోగా ‘ఒక మనసు’సినిమాలో హీరోయిన్ గా వెండి తెరకు పరిచయం అయ్యింది.
అయితే ఈ సినిమాలో నిహారిక నటనకు బాగానే ఉన్నా..కమర్షియల్ గా మాత్రం హిట్ కాలేక పోయింది. ఆ తర్వాత వచ్చిన సినిమాలు కూడా పెద్దగా హిట్ టాక్ తెచ్చుకోలే పోయాయి. గ్యాప్ ను పట్టించుకోకుండా మంచికథ కోసం .. మంచి పాత్ర కోసం వెయిట్ చేస్తూ అవకాశాలను సొంతం చేసుకుంటోంది. తాజాగా ఆమె చేసిన 'సూర్యకాంతం' చిత్రం ఈ రోజునే ప్రేక్షకుల ముందుకు వచ్చింది. ఈ సందర్భంగా నిహారిక ఓ ఇంటర్వ్యూలో మాట్లాడుతూ..చిత్ర పరిశ్రమలో కొన్ని సార్లు మనం ఊహించని సంఘటనలు జరుగుతుంటాయి. మంచి హిట్ సినిమాలు మనదాకా వచ్చినా అనుకోకుడా చేజారిపోతుంటాయి. అలా వెళ్లిన సినిమాలు హిట్ అయినప్పుడు 'అయ్యో ఆ సినిమా చేసి వుంటే బాగుండేదే' అనిపిస్తూ ఉంటుంది.
టాలీవుడ్ లో సూపర్ హిట్ అయిన మూవీ 'నేను శైలజ' . ఈ మూవీలో హీరోయిన్ గా మొదట నన్నే సంప్రదించారు..కానీ ఆ సమయంలో నేను హీరోయిన్ గా కావాలని మా కుటుంబ సభ్యుల్ని ఒప్పించే ప్రయత్నంలోనే ఉన్నానని చెప్పింది. నా కోసం ఆ సినిమా వాళ్లు నెల రోజుల పాటు వెయిట్ చేశారు. నా నుంచి ఎలాంటి ఆన్సర్ రాకపోవడంతో, మాలీవుడ్ నటి కీర్తి సురేశ్ ను తీసుకున్నారు. ఏది ఏమైనా నా కెరీర్ లో మంచి హిట్ సినిమా మిస్ అయ్యాను అని చెప్పుకొచ్చింది.
