మజిలీ సినిమా ప్రీ రిలీజ్ ఫంక్షన్‌లో ఓ ఆత్మీయ సన్నివేశం చోటు చేసుకుంది. హీరో నాగచైతన్యను మరో హీరో వెంకటేశ్ గుండెలకు ఆత్మీయంగా హత్తుకున్నారు. ఆ దృశ్యం అందరినీ మైమరపింపజేసింది. మరి వెంకటేశ్ ఎందుకు నాగ చైతన్యను హత్తుకున్నారు..?
ఈ సినిమా ప్రీ రిలీజ్ వేడుకలో పాల్గొన్న వెంకటేశ్ కు కార్యక్రమ నిర్వాహకులు ముందుగానే మాట్లాడే అవకాశం ఇచ్చారు. నేను తక్కువ మాట్లాడతాననే కదా నాకు ముందు ఇచ్చారు అంటూ కామెడీగా స్పీచ్ ప్రారంభించిన వెంకటేశ్ ఆ తర్వాత ఎమోషనల్ అయ్యారు.
మజిలీ సినిమా టీజర్ చూసినప్పుడే పెద్ద హిట్ అవుతుందనుకున్నానన్నారు వెంకటేశ్. ఆ తరవాత ట్రైలర్ చూసి ఇక డౌట్ లేది ఇది సూపర్ డూపర్ హిట్ అవుతుందనుకున్నారట. ఈ సినిమా దర్శకుడు అంతకుముందే మాట్లాడుతూ.. ఈ సినిమా చూసిన తర్వాత అంతా నాగచైతన్యను హత్తుకుంటారు అన్నారు.
ఆ విషయాన్ని గుర్తు చేసిన వెంకటేశ్.. అంతా సినిమా చూశాక హత్తుకుంటారని చెబుతున్నారు.. కానీ నో డౌట్ ఇది బంపర్ హిట్ అవుతుందని నాకు ముందే తెలుసు. అందుకే నేను ముందుగానే నాగచైతన్యను హత్తుకుంటా అంటూ ఆప్యాయంగా ఆలింగనం చేసుకున్నారు వెంకటేశ్.
