ఒక్కోసారి యాధృచ్ఛికంగా జరిగినా కొన్ని సంఘటనలు మాత్రం చిరస్థాయిగా గుర్తుండి పోయేలా ఉంటాయి. ముఖ్యంగా సినీ నేపథ్యంలో కొంత మంది స్టార్ హీరోల కలయి చాలా విచిత్రంగా జరుగుతుంది. టాలీవుడ్, కోలీవుడ్, బాలీవుడ్ స్టార్ హీరోలు అనుకోకుండా కలిస్తే..వారి ఫ్యాన్స్ ఆనందానికి అవధులు ఉండవు. ఇప్పుడు అలాంటి ఓ అపురూప సంఘటన సోషల్ మీడియాలో తెగ హల్ చల్ చేస్తుంది. మెగాస్టార్ తో బాలీవుడ్ మిస్టర్ పర్ఫెక్ట్ అమిర్ ఖాన్ కలవడంతో ఫ్యాన్స్ ఉప్పొంగిపోతున్నారు. వివరాల్లోకి వెళితే.. టాలీవుడ్ మెగాస్టార్ చిరంజీవి ప్రస్తుతం సైరా సినిమాలో నటిస్తున్న విషయం తెలిసిందే.
ఈ సినిమా షూటింగ్ కి కాస్త విరామం ఇచ్చి తన సతీమణి సురేఖతో జపాన్ లో విశ్రాంతి తీసుకుంటున్న విషయం తెలిసిందే. ఇటీవల దీనికి సంబందించిన వార్తలు కూడా సోషల్ మీడియాలో తెగ హల్ చల్ చేశాయి. తాజాగా మెగాస్టార్ చిరంజీవి, బాలీవుడ్ స్టార్ హీరో అమీర్ ఖాన్ జపాన్ క్యోటో ఎయిర్పోర్ట్ లో కలుసుకున్నారు. ఈ సందర్భంగా ఆయన సైరా సినిమా విశేషాలు ఆయనతో ముచ్చటించారు.
ఈ విషయాన్నీ అమిర్ ఖాన్ సోషల్ మీడియా ద్వారా తెలుపుతూ నా అభిమాన నటుడు మెగాస్టార్ ని కలవడం ఎంతో సంతోషంగా ఉందని ఫ్రీడమ్ ఫైటర్ ఉయ్యాలవాడ నరసింహ రెడ్డి పాత్రలో కనిపిస్తున్న చిరంజీవి గారితో ఎన్నో విషయాల సంతోషంగా ముచ్చటించానని పేర్కొన్నారు. తాజాగా వీరిద్దరూ తీసుకున్న ఫోటో సోషల్ మీడియాలో తెగ వైరల్ అవుతుంది.