రాంగోపాల్ వర్మ ఈ పేరు వింటే కాంట్రవర్సీలకు కేరాఫ్ అడ్రస్ అని అంటారు.  టాలీవుడ్, బాలీవుడ్ లో ఎన్నో సినిమాలకు దర్శకత్వం వహించిన రాంగోపాల్ వర్మ మొదటి సారిగా నటుడి అవతారం ఎత్తబోతున్నారు.  శివ సినిమాతో దర్శకుడిగా తన కెరీర్ ప్రారంభించిన రాంగోపాల్ వర్మ ఎప్పుడూ వెండి తెరపై కనిపించడానికి ఇష్టపడలేదు.  కొంత మంది దర్శకులు పలు సినిమాల్లో గెస్ట్ పాత్రల్లో కనిపించిన విషయం తెలిసిందే.  ఇటీవల ఆయన నిర్మించిన లక్ష్మీస్ ఎన్టీఆర్ ఎన్నో సంచలనాలకు కేంద్ర బిందువు అయ్యింది. 

ఈ సినిమాపై కోర్టు మెట్లు కూడా ఎక్కాల్సిన పరిస్థితి నెలకొంది.  ఏపిలో తప్ప అన్ని రాష్ట్రాల్లో ఈ సినిమా రిలీజ్ అయ్యింది. భారీ ఓపెనింగ్స్ కూడా రాబట్టింది.   ప్రస్తుతం ఏపిలో ఎన్నికలు జరగబోతున్న ఓ వర్గం వారు కేసు వేసిన నేపథ్యంలో ఈ సినిమా ప్రభావం ఉంటుందని ఈసి నిలిపి వేసిన విషయం తెలిసిందే.  నేడు రాంగోపాల్ వర్మ పుట్టిన రోజు సందర్భంగా ఆయన ఓ సంచలన నిర్నయం తీసుకున్నారు.  వర్మ స్వీయ దర్శకత్వంలో తనకు తననే నటుడిగా వెండితెరకు పరిచయం చేసుకుంటున్నాడు. 

అయితే ఈ పాత్ర పూర్తి నిడివితో ఉంటుందా? లేదా గెస్ట్ రోల్ మాత్రమేనా? అన్న విషయమై ఇంకా క్లారిటీ రాలేదు. కాగా, ఈ సినిమాకు ‘కోబ్రా’ అనే టైటిల్ ను ఖరారు చేశారు.గన్ షాట్ ఫిల్మ్స్ బ్యానర్ పై నిర్మితమవుతున్న ఈ సినిమా మాఫియా బ్యాక్ గ్రౌండ్ లో సాగుతుందని బాలీవుడ్ వర్గాలు తెలిపాయి.  అయితే ఈ సినిమాలో ఇతర నటీనటులు, టెక్నిషియన్స్ పేరు వెల్లడించలేదు..అయితే ఏయే భాషల్లో విడుదల చేస్తారు? అన్న విషయమై సినిమా ఇంకా స్పష్టత రాలేదు.



మరింత సమాచారం తెలుసుకోండి: