ఈ మద్య చాలా మంది సినీ నటులు డేటింగ్ కల్చర్ ఎక్కువగా ఫాలో అవుతున్నారు. హాలీవుడ్ లో మొదలైన ఈ సాంప్రదాయం ఇప్పుడు బాలీవుడ్, ఇతర ఇండస్ట్రీల్లోకి పాకింది. తెలుగు ఇండస్ట్రీలో ఎస్ఎంఎస్ చిత్రంతో హీరోయిన్ గా ఎంట్రీ ఇచ్చిన రెజీనా తర్వాత వరుసగా పిల్లా నువ్వు లేని జీవితం, సుబ్రమాణ్యం ఫర్ సేల్ ఇలా వరుస చిత్రాలతో మంచి విజయాలు అందుకుంది. అప్పట్లో తెలుగు, తమిళ ఇండస్ట్రీలో బిజీ హీరోయిన్ గా మారింది. కొంత కాలంగా రెజీనాకు తెలుగు లో పెద్దగా ఛాన్సులు రావడం లేదు..కాకపోతే తమిళ ఇండస్ట్రీలో మాత్రం బిజీగా ఉంది.
ఇదే సమయంలో ఓ కుర్ర హీరోతో ఆమె డేటింగ్ చేస్తోందనే వార్తలు షికారు చేస్తున్నాయి. ఈ వార్తలు కాస్త సోషల్ మీడియాలో వైరల్ కావడంతో రెజీనా దృష్టిలో పడింది. తాజాగా ఈ విషయంపై స్పందించిన రెజీనా కొంత కాలంగా సోషల్ మీడియాలో ఈ వార్తలు చూస్తున్నానని..ఇవి పూర్తిగా నిరాధారమైన వార్తలని చెప్పింది.
ఏ హీరోతో అయినా కాస్త చనువుగా మాట్లాడితే వారితో సంబంధాలు అంటగట్టడం కామన్ అయ్యింది. తమ రేటింగ్స్ కోసం..ఫ్యూస్ కోసం సెలబ్రెటీలపై ఇలాంటి రూమర్లు పుట్టించడం కామన్ అని అన్నారు. తాను ఎవరి ప్రేమలో లేనని... ఎవరినైనా ప్రేమిస్తే ముందుగా మీకే చెబుతానని తెలిపింది. ప్రస్తుతం తన వృత్తినే తాను ప్రేమిస్తున్నానని చెప్పింది.