టాలీవుడ్ లో అష్టాచమ్మ సినిమాతో హీరోగా పరిచయం అయిన నాని తర్వాత నేచురల్ స్టార్ గా పేరు తెచ్చుకున్నాడు. తన నటలో ఎంతో సహజత్వం ప్రదర్శించే నాని కొంత కాలంగా ప్రేమ కథలతో సాగుతున్న సినిమాల్లో నటిస్తూ మంచి పేరు తెచ్చుకున్నారు. మారుతి దర్శకత్వంలో వచ్చిన భలే భలే మగాడివోయ్ సినిమా తర్వాత వరుసగా ఏడు సినిమాలతో సూపర్ హిట్ అందుకున్నాడు.
టాలీవుడ్ లో నానీ ఈ మద్య ప్రయోగాత్మక పాత్రల్లో కనిపించాలని తెగ ఉత్సాహ పడుతున్నాడు. ఈ నేపథ్యంలో గౌతమ్ తిన్ననూరి దర్శకత్వంలో ‘జెర్సీ’సినిమాలో నటిస్తున్నాడు. అయితే ఈ సినిమాలో ఓ క్రికెటర్ గా నాని తన ప్రతిభను చూపించబోతున్నాడట. అయితే క్రికెటర్ అనగానే ఏదో బ్యాట్ పట్టుకొని గ్రౌండ్ లోకి వెళ్లి రెండు బాల్లు వేయగానే సిక్స్, ఫోర్ బాదేసినట్లు చూపించడం కాదట..నిజంగా ఈ సినిమా కోసం తాను ఎంతో కష్టపడ్డానని అంటున్నాడు ఈ నేచురల్ స్టార్.
ప్రస్తుతం సినిమా ప్రమోషన్ లో భాగంగా నాని మాట్లాడుతూ.. సినిమా కోసం క్రికెట్ ప్రాక్టీస్ చేస్తున్నప్పుడు తగిలిన దెబ్బల విషయమై నాని ప్రస్తావించాడు. ఒకసారి గ్రౌండ్ లో ప్రాక్టీస్ చేస్తున్న సమయంలో బాల్ గట్టిగా వచ్చి తన ముక్కుకు తగిలిందని..తన ముక్కుకు దెబ్బ తగిలితే అది విరిగిపోయి పక్కకు వెళ్లిపోయిందట. ఎలాగూ అలా సినిమా కంప్లీట్ చేయాలన్నదే తన ధ్యేయంగా పెట్టుకుని కంప్లీట్ చేశామని అన్నారు.
ఇప్పటికే షూటింగ్ పూర్తి చేసుకున్న ఈ సినిమా ప్రస్తుతం ప్రచార కార్యక్రమాల్లో బిజీబిజీగా ఉంది. ఈ నెల 12న థియేట్రికల్ ట్రైలర్ విడుదల కానుండగా.. 15న ప్రి రిలీజ్ ఈవెంట్ జరుపుకోనుంది. తనకు ఎన్ని దెబ్బలు తాకినా సినిమా హిట్ టాక్ వస్తే..తనకన్నా ఆనందించేవారు ఎవరూ ఉండరని అన్నారు నాని.
